IGIHE.com > Ubuzima > Indwara
Indwara y’ibishishi n’uburyo bwo kuyirinda

Indwara y’ibishishi n’uburyo bwo kuyirinda


Yanditswe kuya 29-01-2013 - Saa 16:57' na Umurerwa Emma-Marie

Ibishishi byo mu maso (Acné) ni indwara igaragazwa n’ibiheri bifatira mu twenge tw’ubwoya bw’uruhu, rimwe na rimwe bikagera mu mugongo, ku ntugu no mu gituza, bikaba bigenda bishira uko umuntu agenda asatira imyaka y’ubukure iyo nta bundi burwayi afite, ariko hari n’uburyo butandukanye bwo kuyivura.

Amakuru dukesha urubuga rwa topsante avuga ko indwara y’ibishishi ikunda kugaragara mu gihe cy’ubugimbi, kandi ko bishobora kumara igihe kigufi cyangwa kirekire bitewe n’imiterere y’umubiri w’ubirwaye.

Abakeka ko kurwara ibishishi mu maso cyangwa mu mugongo biterwa n’isuku nke cyangwa kudakora imibonano mpuzabitsina baba bibeshya, ngo ntaho bihurira.
Hari n’izindi mpamvu zishobora gutuma umuntu arwara ibishishi zirimo impinduka mu bitekerezo, hamwe no guhindura ah’ umuntu atuye (ikirere).

Bishobora kandi kwiyongera kubera ko umuntu yariye ibiribwa bikize ku masukari no ku binure, by’umwihariko za shokola (chocolat).

Ku bagore, ibiheri byo mu maso bishobora kwiyongera mu minsi ibanziriza imihango, bikagabanuka cyangwa bigashira iyo atwite.

Abagore bagirwa inama yo gufata indyo ikungahaye kuri Vitamini A, harimo amata n’ibiyakomokaho, amavuta y’amatungo nk’ikimuri n’ibindi. Bakareka cyangwa bakagabanya isukari n’ibinure, ariko by’umwihariko bakareka ibikomoka ku nyamaswa.

Kota izuba, guhumeka umwuka mwiza mu gihe cyo gukora imyitozo ngororamubiri, kugira gahunda nziza y’imirire, gutoza amara gukora neza urya kenshi indyo itayananiza nk’ibinyampeke n’imboga rwatsi, hamwe no kunywa amazi asukuye bigira uruhare mu gukumira indwara y’ibishishi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO