Kwamamaza

Jabana: Imbuto Foundation na AERG mu kurwanya SIDA

Yanditswe kuya 5-02-2013 saa 21:39' na Marie Chantal Nyirabera
     


Umuryango Imbuto Foundation n’Ishyirahamwe ry’abana bacitse ku icumu rya Jenoside (AERG) basuye urubyiruko rwiga mu ishuri rya Alliance mu karere ka Gasabo, Umurenge wa Jabana bakangurira kwipimisha ku bushake agakoko gatera SIDA, babaha n’ubujyanama ku buzima bw’imyororokere.
Ruzimbana Méthode, umuhuzabikorwa wa mbere wungirije wa AERG ku rwego rw’Igihugu, yatangarije IGIHE ko hipimishije abasaga 150, kandi ashimira abaterankunga barimo Imbouto Foundation.
Ruzimbana ati ”Iki ni igikorwa (...)

Umuryango Imbuto Foundation n’Ishyirahamwe ry’abana bacitse ku icumu rya Jenoside (AERG) basuye urubyiruko rwiga mu ishuri rya Alliance mu karere ka Gasabo, Umurenge wa Jabana bakangurira kwipimisha ku bushake agakoko gatera SIDA, babaha n’ubujyanama ku buzima bw’imyororokere.

Ruzimbana Méthode, umuhuzabikorwa wa mbere wungirije wa AERG ku rwego rw’Igihugu, yatangarije IGIHE ko hipimishije abasaga 150, kandi ashimira abaterankunga barimo Imbouto Foundation.

Ruzimbana ati ”Iki ni igikorwa twateguye ku nkunga ya Imbuto Foundation muri gahunda yayo y’icyumweru cy’urukundo nyarwo, “True Love Week”, mu kurwanya SIDA mu rubyiruko. Turashimira na Minisiteri y’Ubuzima n’iy’Urubyiruko baje kwitabira iki gikorwa”.

Agaruka ku nsanganyamatsiko ya “True Love Week” igira iti” “Imbuto zitoshye ! Tube Intore mu gukumira ubwandu bushya bwa virusi itera SIDA mu muryango nyarwanda”, Ruzimbana yavuze ko nyuma y’ibikorwa byo kurwanya SIDA byakozwe mu myaka yashize, ubu basaba urubyiruko guharanira imbere harwo heza, birinda gukora imibonano mpuzabitsina babyitiranya n’urukundo, byabaviramo kwandura SIDA.

Umuryango Imbuto Foundation muri “True Love Week”

Rita Zirimwumugabe wari waje ahagarariye Imbuto Foundation, yasabye urubyiruko guranira ubuzima buzira umuze, kandi bakumira ubwandu bushya bwa virusi itera SIDA mu muryango nyarwanda.

Zirimwumugabe yasabye urubyiruko rwa Jabana kurinda ubuto bwabo, kuko aribo igihugu gitegerejeho byinshi.

Umunyamabanga Nshingwabikorwa w’Umurenge wa Jabana, yavuze ko urubyiruko rugomba gufata iya mbere mu ntambara zo guhashya SIDA, ati ”Ibikorwa byose bikomeye ,intambara y’ubukene, intambara yo kurwanya ubwandu bushya bizatsindwa n’urubyiruko. mirwifata, igitsina nti kibe igikoresho cy’umubiri kimutegeka.”

Iyamuremye Blaise wiga mu mwaka wa 5 mu ishami ry’icungamutungo muri Alliance n’abandi bagenzi be, baganiriye na IGIHE, bavuga ko ubutumwa bahawe bwatumye bipimisha, bamenya uko bahagaze, bafata imyanzuro yo kubaho neza birinda icyabahungabanyiriza ubuzima.

Hapimwe ababyifuza ubwandu bwa virusi itera SIDA
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved