IGIHE.com > Ubuzima > Indwara
Kamonyi: Ingabo z’Igihugu zahagurukiye guhashya indwara z’abagore

Kamonyi: Ingabo z’Igihugu zahagurukiye guhashya indwara z’abagore


Yanditswe kuya 26-04-2012 - Saa 11:22' na Deus Ntakirutimana

Muri gahunda yo kuvuga abatirage Ingabo z’u Rwanda zahagurukiye indwara ziytandukanye mu batuye Akarere ka Kamonyi kuri iyi nshuro hakaba hibandwa cyane cyene kuvura indwara zikunze kwibasira abagore.

Ku wa mbere taliki ya 23 Mata 2012 imodoka imenyerewe ku izina rya Mobile clinic nibwo yageze mu Karere ka Kamonyi ikaba yari iherekejwe n’abaganga batandukanye b’Ingabo z’Igihugu bakora ibikorwa by’ubuvuzi mu Bitaro bya Gisirikare i Kanombe.

Dr. Maj. King Kayondo ni we wari ukuriye ibi bikorwa akaba avuga ko bazanye ibikoresho bitandukanye kandi bishobora gufasha mu burwayi butandukanye bw’aba barwayi, yavuze ko bazavura abagore n’abakobwa batandukanye bafite uburwayi mu myanya myibarukiro harimo nka kanseri y’inkondo y’umura n’indwara yo kuva mu gitsina (fusture) izi ndwara zikaba zarahagurukiwe na Leta y’u Rwanda.

Lt Col. Frank Rwema ni umwe mu baganga b’abasirikare bitabiriye iki gikorwa akaba ari n’inzobebere mu buvuzi bw’amenyo, avuga ko bazanye n’abaganga bazobereye mu kazi kabo k’ubuvuzi . Rwema avuga ko mu gihe hari abo babonanye uburwayi budasanzwe bazajya kubavurira ku bitaro bya gisirikare i Kanombe nk’uko bagiye babikora mu bihe bitandukanye bagiye muri aka karere.

Bamwe mu bari bari ku murongo w’abari bategereje kuvurwa ,barimo Mukagasigwa Odette wavuze ko ababara mu mwanya ndangagitsina, akaba avuga ko yizeye ubufasha kuko ubu bubabare abumaranye igihe.

Si we gusa kandi wizeye ubufasha muri iki gikorwa kuko n’uwitwa Dative ugiriwabo nawe yari afite uburwayi atashatse gutangaza, ariko akaba avuga ko yari amaze igihe kinini yivuza ariko atarabasha gukira a akaba yizeye gukira.

Umuyobozi w’Akerere ka Kamonyi Wungirije Ushinzwe imibereho myiza y’abaturage Uwera Marie Alice yabwiye aba baturage ko kwirinda biruta kwivuza ko ubuzima bwabo babufite mu maboko yabo bakaba basabwa koza amenyo buri munsi bagamije kwirinda indwara z’amenyo no kurya imboga rwatsi bagamije kwirinda indwara z’amaso.

Iki gikorwa gikorwa n’ingabo z’igihugu ku bufatanye n’umushinga w’ufashwa n’Abanyakoreya n’Abanyamerika witwa Good Neighbours. Ibi bikorwa bikazamara iminsi itanu havuwe bagera ku 500.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO