IGIHE.com > Ubuzima > Indwara
Kwirukanwa ku kazi  bishobora gutera uburwayi bw’umutima

Kwirukanwa ku kazi bishobora gutera uburwayi bw’umutima


Yanditswe kuya 26-11-2012 - Saa 11:15' na Umurerwa Emma-Marie

Ubushakashatsi bwashyizwe n’ikinyamakuru kitwa Archives of International Medecine, buragaragaza ko kwirukanwa ku kazi byongera ibyago byo kurwara umutima, cyane cyane ku muntu wirukanwe inshuro nyinshi.

Amakuru dukesha urubuga rwa huffingtonpost, aratangaza ko ubashakashatsi bwakozwe n’impuguke zo muri kaminuza ya Duke muri Caroline y’Amajyaruguru ni muri Leta Zunze Ubumwe za America, bwagaragaje ko uburwayi bw’umutima ndetse na diyabete yo mu bwoko bwa kabiri, bikomeje kwibasira cyane cyane abantu baba birukanwe ku kazi.

Ubu bushashatsi bwakorewe ku bantu 13,500 bari hagati y’imyaka 51 na 75, hagati y’umwaka wa 1992 na 2010, inshuro ebyiri mu mwaka.

Abagera kuri 14% muri bo bari abashomeri, hanyuma barindwi mu icumi bari barirukanwe ku kazi.

Mu gihe kingana hafi n’ imyaka 20 aba bashashatsi basanze abagera 1,000 bari bafite uburwayi bw’umutima.

Ku rundi ruhande, abantu baba barikuye ku kazi ngo niyo baba batarabona akandi, nta kimenyetso cy’uburwayi bw’umutima kibagaragaraho.

Matthieu Dupré n’itsinda yari ayoboye bagaragaje ko abantu 27% birukanwe ku kazi inshuro ya mbere bahura n’iki kibazo, mu gihe abagera kuri 63% birukanwe inshuro ya kane ari bo bahura n’iki kibazo cyane.

Ku zindi ngaruka zo kwirukanwa ku kazi ngo harimo, kwiyahuza itabi, umubyibuho ukabije, gutera cyane k’umutima, diyabete yo mu bwoko bwa kabiri, hamwe n’indwara zifata mu myanya y’ubuhumekero.

Umuntu wirukanwe ku kazi inshuro enye cyangwa eshanu, aba afite ibyago byo kurwara indwara z’ubuhumekero nk’umuntu umaze imyaka ye yose anywa itabi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO