IGIHE.com > Ubuzima > Indwara
Muhanga : Ategeye ibiganza Abanyarwanda ngo bucye kabiri

Muhanga : Ategeye ibiganza Abanyarwanda ngo bucye kabiri


Yanditswe kuya 15-12-2012 - Saa 16:30' na Deus Ntakirutimana

Munyampundu John ubarizwa mu mujyi wa Muhanga urwaye indwara atazi y’ibisebe byizanye, avuga ko ibyiringiro bye yabishyize mu gufashwa n’Abanyarwanda ngo abashe kubaho kuko abona ubuzima bwe bugeze mu marembera.

Munyampundu w’imyaka 21, ntibyoroshye kubona umunwa we kuko aho uri habaye ibisebe yarwaye kuva afite imyaka ibiri.

Mu mwaka w’1993 avuga ko ari bwo yatangiye gufatwa n’ibisebe umubiri wose, icyakora amaze kwivuza byakize ku bindi bice by’umubiri bigasigara mu maso cyane cyane ku munwa.

Munyampundu avuga ko mu kubaho kwe nta buzima bwiza yigeze agira, kuko afite imyaka itandatu ababyeyi be bapfuye agasigara ari imfubyi. Ubu afite mushiki we washatse, ariko na we ngo ntiyishoboye.

Ku ivuko i Gitwe ngo yaje kuhava ajya mu mujyi wa Muhanga aho yari yizeye ubufasha bwazatuma yivuza. Gusa ngo ntibyaje kumuhira, kuko hari n’igihe aburara.

Ku bijyanye no kwivuza, Munyampundu avuga ko yivuje rimwe gusa mu mwaka wa 2009 abifashijwemo n’umuzungu w’Umwongereza wamuvuje mu bitaro byitiriwe umwami Faisal ariko nyuma y’ukwezi akaza gutaha iwabo asize yorohewe. Yongeraho ko nta wundi yigeze abona umwitaho, kabone n’ubuyobozi bw’aho avuka mu karere ka Ruhango ahitwa i Gitwe.

Munyampundu wize akageza mu mwaka wa kane w’amashuri abanza avuga ko yari afite inzozi zo kuzavamo umuyobozi ukomeye.

Gusa icyizere cy’izi nzozi cyayoyotse amaze gukomererwa n’iyi ndwara, ku buryo iyo umubajije ejo hazaza he akubwira ko ubuzima bwe buri mu biganza by’Imana n’Abanyarwanda kuko we atishoboye.

Avuga ko nibura abonye amikoro bwakwira kabiri. Avuga ko uwaba ashoboye kumufasha yahamagara kuri 0788563072, bakamugezaho ubutumwa yaba yagenewe kuko ubwe nta telefoni afite.

Amafoto agaragaza uburwayi bwa Munyampundu :

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO