IGIHE.com > Ubuzima > Indwara
Uburemba ni indwara ivurwa igakira

Uburemba ni indwara ivurwa igakira


Yanditswe kuya 9-02-2013 - Saa 11:15' na Umurerwa Emma-Marie

Indwara y’uburemba ku bagabo, n’ubwo itera ubwigunge ndetse no kwiheba ku muntu uyirwaye, ikaba yanatera amakimbirane hagati y’abashakanye no gucana inyuma, iravurwa igakira iyo hamenyekanye icyayiteye.

Urubuga rwa hivehealthmedia dukesha iyi nkuru, ruvuga ko umuntu aba ikiremba iyo atabasha gukora imibonano mpuzabitsina cyangwa yagira ubushake ntabishobore.

Uburemba bukunda kugaragara cyane ku bagabo bari hejuru y’imyaka 40, ariko n’abakiri bato bashobora guhura n’ubu burwayi.

Uburemba bw’igihe gito, ntibugaragara nk’uburwayi, gusa butera kwiheba cyangwa se uwo mubana (umugore) ntabashe kubyakira.

Uburemba bw’igihe gito bushobora kugwirira umuntu usanganwe imyanya ndangagitsina ikora neza, ariko akaza kugira ihungabana rishobora guterwa n’ibibazo cyangwa uburwayi runaka.

Zimwe mu mpamvu zishobora gutera uburemba

- Igabanuka ry’umusemburo wa Testosterone (Tesitositerone) mu mubiri. Iki kibazo gishobora kuvurwa.

- Gukomereka mu mayasha, bikaba byatuma imyakura ikoresha igitsina yangirika ;

- Kuba ufite ubundi burwayi nk’impyiko, Diyabete, umwijima n’ubundi butandukanye ;

- Kunywa ibiyobyabwenge byinshi ;

- Ingaruka z’imiti imwe n’imwe ivura indwara zo mu mutwe, igicuri n’izindi ;

- Kugira agahinda gakabije, ubwoba hamwe n’umujinya ukabije ;

- Guhangayika cyane bitewe n’impamvu runaka,

- Umunaniro ukabije hamwe no kutishimira uwo mukorana imibonano mpuzabitsina.

Buri gihe cyse hamenyekanye impamvu yabioteye, uburemba buravurwa bugakira iyo hamenyekanye impamvu yabuteye. Umuntu wagize ikibazo ntakwiye kubyihererana agombye guhita ajya kwa muganga kandi agakurikiza inama agirwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO