IGIHE.com > Ubuzima > Indwara
Umujyi wa Kigali ku isonga kugira benshi bafite ubwandu bwa SIDA

Umujyi wa Kigali ku isonga kugira benshi bafite ubwandu bwa SIDA


Yanditswe kuya 10-11-2012 - Saa 12:13' na Marie Chantal Nyirabera

Nyuma y’ubushakashatsi bwakozwe muri 2010 bwerekana ko abatuye mu mujyi wa Kigali baza ku isonga mu kugira ubwandu bwa SIDA, inshuro eshatu ugereranyije n’umubare w’abanduye mu gihugu hose, Umujyi wa Kigali watangaje icyo ugiye gukora mu kurwanya SIDA.

Hope Tumukunde Umuyobozi w’Umujyi wa Kigali wungirije ushinzwe imibereho myiza y’abaturage mu mujyi wa Kigali, yavuze ko ubushakashatsi bwakozwe bwagaragaraje ko 7,3% by’abatuye Umujyi wa Kigali babana n’ubwandu bw’agakoko gatera SIDA.

Tumukunde agaragaza ko Umujyi wa Kigali, ugiye guhagurukira kurwanya SIDA, by’umwihariko bagahera ku bakora umwuga w’uburaya, atari abagore gusa.

Ati "abantu bakora umwuga w’uburaya ntabwo ari abagore gusa, n’abagabo barahari muri iyo mirimo itihesheje agaciro, mu Biryogo barahari no mu Migina barahari. Umujyi wa Kigali uzi ahari ikibazo, ahazigishwa harazwi n’uburyo.’’

Akomeza avuga ko bazigihsa abakora uburaya, abashaka kubuvamo badafite amikoro bagafashwa, abanze kubureka bagahabwa inyigisho zo kutanduza abandi.

Abakora uburaya bazarushaho gushishikarizwa gukora imirimo ibabyarira inyungu irimo imyuga, ubucuruzi buciriritse, bave mu bibatesha agaciro bibabyarira n’urupfu.

Umuyobozi ushinzwe imibereho myiza mu mujyi wa Kigali, atangaza ko umujyi utuwe n’urujya n’uruza rw’abantu binjira, abasohoka, bigatuma bamwe bagira ingarukana mu mibereho.

Dr Woldemedhim T Haile, umwe mu bakoze ubu bushakashatsi, avuga ko ibihugu by’Afurika y’Iburasirazuba n’ibyo mu Majyepfo bifite abasaga miliyoni 23,5 banduye Virusi itera SIDA. Mu mijyi yo muri ibyo bihugu abasaga miliyoni 4,2 babana n’ubwandu.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO