Kigali: Ibikorwa byo kubungabunga ubuzima bizongerwa

Yanditswe na Rene Anthere Rwanyange
Kuya 17 Mutarama 2013 saa 07:51
Yasuwe :
0 0

Kubera ubwiyongere bw’abaturage bukabije bugaragara mu batuye Umujyi wa Kigali, biteganijwe ko ibikorwa by’ubuzima bizakomeza kwiyongera, amavuriro afite ibyangombwa bihagije n’ahatangirwa serivisi z’ubuzima, mu rwego rwo gukomeza guhangana n’ibibazo by’indwara zikomoka ku iterambere.
Umuyobozi w’Umujyi wa Kigali, Fidele Ndayisaba atangaza ko ingamba z’ingenzi zafashwe zirimo guhindura inyitwarire bityo n’umuntu yarwara akagira uburyo yitabwaho, akivuza akabona ubufasha bwo kwa (...)

Kubera ubwiyongere bw’abaturage bukabije bugaragara mu batuye Umujyi wa Kigali, biteganijwe ko ibikorwa by’ubuzima bizakomeza kwiyongera, amavuriro afite ibyangombwa bihagije n’ahatangirwa serivisi z’ubuzima, mu rwego rwo gukomeza guhangana n’ibibazo by’indwara zikomoka ku iterambere.

Umuyobozi w’Umujyi wa Kigali, Fidele Ndayisaba atangaza ko ingamba z’ingenzi zafashwe zirimo guhindura inyitwarire bityo n’umuntu yarwara akagira uburyo yitabwaho, akivuza akabona ubufasha bwo kwa muganga.
Akomeza avuga ko bazashyira ingufu ahatangirwa serivisi z’ubuvuzi zikiyongera ku zisanzwe. Agira ati ”Tuzongera ibikorwa by’ubuzima, amavuriro afite ibyangombwa bihagije bishobora gufasha kugoboka abantu mu gihe baba barwaye, ariko igikomeye ni ugishyira imbaraga nyinshi mu kwirinda, bisaba guhindura imyitwarire.”

Hope Tumukunde Umuyobozi w’Umujyi wa Kigali wungirije ushinzwe imibereho myiza y’abaturage, atangaza ko kubera urujya n’uruza rw’abantu, n’ikibazo cy’imiturire hari indwara z’ibiza nka SIDA, hari ibiyobyabwenge n’impanuka byiyongera, bafashe ingamba zo guhangana na byo.

Minisiteri y’ubuzima ivuga ko bashyizeho gahunda yihariye y’imijyi, bikazafasha mu bahatuye kugira ubuzima bwiza. Mu igenzura ryakozwe basanze ubuzima bwabatuye umujyi buhura n’ibibazo by’indara zishingiye ku iterambere zirimo ubwiyongere bw’abanywa ibiyobyabwenge n’izindi.
Indwara ziterwa n’iterambere ahanini ngo zikomoka ku mirire, imiturire, imodoka nyinshi (ivumbi, imyuka ihumanya), ibikorwa by’iterambere birimo n’inganda bituma habaho ukwiyongera kw’ibihumanya ikirere n’ibindi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza