Dr Sherti yasohoye igitabo kigaruka ku iyubakwa ry’amahoro mu Rwanda nyuma ya jenoside

Yanditswe na

Karirima A. Ngarambe

Kuya 1 Nyakanga 2014 saa 06:55
Yasuwe :
0 0

Umunyarwanda, Dr Epimaque Sherti yasohoye mu nzu y’ibitabo yitwa "Editions l’Harmattan" igitabo yise "Génocide et reconstruction de la paix au Rwanda, bisobanuye mu Kinyarwanda ngo « Kongera kubaka amahoro mu Rwanda nyuma ya Jenoside yakorewe Abatutsi ».
Nyuma y’isohoka ry’iki gitabo IGIHE twegereye Dr Epimaque ufite impamyabushobozi ihanitse muri Sociologie (imibanire myiza y’abantu) atubwira zimwe mu ngingo zigize igitabo n’icyatumye atangira kwandika. Dr Epimaque yagize ati (...)

Umunyarwanda, Dr Epimaque Sherti yasohoye mu nzu y’ibitabo yitwa "Editions l’Harmattan" igitabo yise "Génocide et reconstruction de la paix au Rwanda, bisobanuye mu Kinyarwanda ngo « Kongera kubaka amahoro mu Rwanda nyuma ya Jenoside yakorewe Abatutsi ».

Nyuma y’isohoka ry’iki gitabo IGIHE twegereye Dr Epimaque ufite impamyabushobozi ihanitse muri Sociologie (imibanire myiza y’abantu) atubwira zimwe mu ngingo zigize igitabo n’icyatumye atangira kwandika.

Dr Epimaque yagize ati “Igitekerezo cyo gukora ubushakashatsi ku mateka mabi u Rwanda rwaciyemo cyanjemo igihe cy’imishyikirano y’amahoro y’Arusha muri 1992. Icyo gihe nari ntangiye igice cya gatatu cy’amasomo muri Kaminuza i Louvain-la-Neuve. Naribwiraga nti ‘Ni byiza ko Abanyapolitiki ko biyemeje gushyikirana, Abasirikare bagafasha intwaro hasi ; byarushaho kuba byiza n’Abashakashatsi batanze umusanzu wabo berekana imyumvire y’amahoro arambye’.»

Muri 2005, nasomye inyigo zinyuranye zerekeye amahoro z’abarimu b’i Strasbourg bitwa Gaston Bouthoul na Julien Freund, ziranyura, maze nsaba kwiyandikisha muri kaminuza y’aho. Abarimu twakoranye neza cyane, maze ngera ku musaruro w’icyi gitabo.

Ingingo 4 zigize iki gitabo

Igice cya mbere gisesengura amateka y’Abanyarwanda uhereye kuri Gihanga cyahanze u Rwanda, kigakomereza ku mateka yo kuza kw’Abakoloni aho baje ngo kudusilimura banyonga umuco w’Abanyarwanda, babibamo kwangana byateye ingaruka zirenze imyumvire. Gahunda ya « Ndi Umunyarwanda » igezweho imeze nko gusubira kuvoma ku isoko y’ubunyarwanda, Abahutu n’Abatutsi bakemera kuzuzanya mu bwubahane no mu mahoro.

Igice cya kabiri cyivuga kuri Jenoside n’ingorane itera mu kugarura amahoro. Mpereye ku nyigo zakozwe, cyane cyane iya Robert Melson, nerekana ukuntu Jenoside ari imwe mu nzira eshatu (stratégies révolutionnaires) PARMEHUTU na Hutu Power byahisemo gukoresha kugira ngo zigere k’ubutegetsi : kugira Abatutsi impunzi hanze y’u Rwanda, kutagira uburenganzira bureshya n’ubw’Abahutu mu Rwanda, ibyo byananirana bagatsembwa.

Igice cya gatatu cyerekana imisingi yakubakirwaho amahoro : Ni ubutabera n’ibintu byinshi Abanyarwanda basangiye.

Igice cya kane ari nacyo cya nyuma, cyerekana uruhare rwa Leta y’u Rwanda, Ibigo by’ubushakashatsi n’Amahanga mu gufasha Abanyarwanda mu kugarura amahoro arambye mu gihugu cyabo.

Uyu mwanditsi avuga ko nibishoboka azashyira iki gitabo mu Kinyarwanda, kandi n’uzifuza kugishyira mu zindi ndimi nk’Icyongereza, azamuha uburenganzira.

Umwanditsi Dr Epimaque Sherti

Avuga ko uburyo cyanditse cyiri ku rwego ruhanitse (Thèse de doctorat), ariko akavuga ko bizarushaho kuba byiza nasobana birambuye ubu bushakashatsi ku buryo Umunyarwanda wese yasobanukirwa n’ibikubiyemo, kandi akabikora nk’imfasha-nyigisho n’undi wese yaheraho akora umurimo wo kunga Abanyarwanda.

Uwifuza gutunga icyi gitabo yakibona muri Editions l’Harmattan na za Librairies zikorana nayo. Cyangwa se abamenyereye kugura ibitabo kuri interineti, barebera kuri Amazon, Chapitre na FNAC. Abari mu Rwanda, bo bashobora kugana muri Caritas-Rwanda n’abakorana nayo.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza