Abanyarwanda, Abadage n’Abanya-Côte d’Ivoire mu ikinamico i Kigali

Yanditswe na

Jean Paul Ibambe

Kuya 21 Mutarama 2014 saa 07:56
Yasuwe :
0 0

Binyuze mu kigo ndangamuco cy’abadage (Goethe Institute), abahanga mu gukina ikinamico bakomoka mu Rwanda, Cote d’Ivoire, Ubudage n’Ubuholandi barakinira ikinamico bise « La Nouvelle Pensee Noir/Blck Thought Now » i Kigali muri Serena Hotel kuri iki cyumweru tariki ya 26 Mutarama 2014 aho kwinjira bizaba ari ubuntu.
Abo ni Herve Kimenyi na Michael Sengazi basanzwe bazwi mu Rwanda mu itsinda rya Comedy Knights na Sonja Uwimbabazi. Hari kandi Gotta Depri na Franck Yao Gadoukou La Star bo muri (...)

Binyuze mu kigo ndangamuco cy’abadage (Goethe Institute), abahanga mu gukina ikinamico bakomoka mu Rwanda, Cote d’Ivoire, Ubudage n’Ubuholandi barakinira ikinamico bise « La Nouvelle Pensee Noir/Blck Thought Now » i Kigali muri Serena Hotel kuri iki cyumweru tariki ya 26 Mutarama 2014 aho kwinjira bizaba ari ubuntu.

Abo ni Herve Kimenyi na Michael Sengazi basanzwe bazwi mu Rwanda mu itsinda rya Comedy Knights na Sonja Uwimbabazi. Hari kandi Gotta Depri na Franck Yao Gadoukou La Star bo muri Cote d’Ivoire, Hauke Heumann na Ted GAEIR bo mu budage, Thijs BOUWKNEGT na Jesper BUURSINK bo mu Buholandi.

Bamwe mu bakinnyi b'iyi kinamico

Uyu mukino ukaba uyobowe na Monika Gintersdorfer afatanyije na knut Klassen.

Nk’uko izina ry’iyi kinamico ribivuga, "La Nouvelle Pensee Noir/Blck Thought Now", ubutumwa burimo bwibanda ku mitekerereze y’abirabura muri iki gihe, ku bintu bitandukanye.

Iyi kinamico ikinnye mu buryo butamenyerewe, iri mu bwoko busetsa, ariko yaba abayikina n’abayikinirwa bose bayigiramo uruhare ku buryo haba iyo n’abaje kureba batangamo ibitekerezo bikinjizwa mu mukino.

Iyi kinamico imara hafi isaha n’igice, izakinirwa muri Kigali Serena Hotel ku Cyumweru tariki ya 26 Mutarama 2014 guhera saa moya n’igice z’umugoroba.

Abakinnyi bari muri iyi kinamico, baje kuyikinira mu Rwanda nyuma yo kuyikinira mu budage, aho bavuga ko yakunzwe cyane.

Avuga ku giciro cyo kwinjira Dr. Peter Stepan, umuyobozi wa Goethe Institute yateye inkunga itegurwa ry’iyi kinamico, yavuze ko kwinjira ari ubuntu. Ati: “Kwinjira bizaba ari ubuntu, turakangurira abantu bose kuza kureba uyu mukino twavuga ko udasanzwe, aba bakinnyi ni abahanga cyane.”

"La Nouvelle Pensee Noir/Blck Thought Now", ikinye mu ndirimi zitandukanye, harimo Igifaransa, Icyongereza, Ikidage ndetse n’Ikinyarwanda.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza