Itorero Impinyuza riritegura gususurutsa abakunzi b’umuco nyarwanda

Yanditswe na
Kuya 15 Ugushyingo 2013 saa 11:49
Yasuwe :
0 0

Itorero Impinyuza riteza imbere umuco nyarwanda ryateguriye abakunzi baryo n’abakunzi b’umuco, igitaramo gishyigikiye umuco w’ubumuntu ribinyujije mu mukino ushimishije witwa “Gira ubuntu”.
Iki gitaramo kizaba ku Cyumweru tariki ya 24 Ugushyingo 2013, muri Serena Hotel, aho kizatangira i saa kumi n’imwe z’umugoroba, gisozwe saa mbiri z’umugoroba. Kwinjira bizaba ari amafaranga ibihumbi 10 y’u Rwanda mu cyubahiro na 5000 ahandi hasigaye. Bazirete Marie Alice, Umuyobozi w’itorero ndangamuco (...)

Itorero Impinyuza riteza imbere umuco nyarwanda ryateguriye abakunzi baryo n’abakunzi b’umuco, igitaramo gishyigikiye umuco w’ubumuntu ribinyujije mu mukino ushimishije witwa “Gira ubuntu”.

Iki gitaramo kizaba ku Cyumweru tariki ya 24 Ugushyingo 2013, muri Serena Hotel, aho kizatangira i saa kumi n’imwe z’umugoroba, gisozwe saa mbiri z’umugoroba.
Kwinjira bizaba ari amafaranga ibihumbi 10 y’u Rwanda mu cyubahiro na 5000 ahandi hasigaye.

Bazirete Marie Alice, Umuyobozi w’itorero ndangamuco Impinyuza yabwiye IGIHE ko mbere wasangaga mu Rwanda umuntu arera umwana utari uwe kandi akamufata nkabe, ariko ibi bikaba byaragiye bikendera, none uyu mukino ngo uzaba ukangurira abantu kugira ubuntu nk’uko byakorwaga na mbere.

Bazirete yagize ati: "Twabateguriye umukino witwa “Girubuntu” aho dufite intego yo gukangurira abantu kugira urukundo, abana benshi b’imfubyi bakagira ababakira mu muryango nyarwanda; ubumuntu bukagaruka mu bantu aho twifuza ko buri wese yafata umwana nk’uwe."

Uretse uyu mukino, itorero Impinyuza ry’abantu 60 rikorera ku ishuri ribanza rya Cyahafi, rizasusurutsa abazitabira igitaramo mu mushangiriro, imbyino, umurya w’inanga, imparamba, kurambira, kuvuza amakondera, kuvuza ingoma n’umuduri, byose bizakorwa himakazwa umuco nyarwanda.

Zimwe mu mbyino Itorero Impinyuza rizereka abazitabira igitarabo ririmo gutegura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza