Uko umunsi wa mbere w’iserukiramuco ‘Turkish Food Festival’ wagenze (Amafoto)

Yanditswe na Mugabo Jean d’Amour
Kuya 27 Ukwakira 2017 saa 09:15
Yasuwe :
0 0

Ku nshuro ya mbere i Kigali harimo kubera iserukiramuco ‘Turkish Food Festival’ rigamije kumvisha Abanyarwanda n’abagenderera Umujyi wa Kigali uburyohe bw’amafunguro ateguye ku buryo bumenyerewe muri Turikiya.

Ni iserukiramuco ryatangiye ku wa Kane rikazageza ku Cyumweru ribera muri Kigali Marriott Hotel buri mugoroba guhera i saa moya.

Iri serukiramuco ryatangiye ahagana saa moya n’iminota 10 ubwo ambasaderi wa Turikiya mu Rwanda, Mehmet Karaca, yari ahageze aherekejwe n’abandi bakozi ba ambasade maze bakakirwa n’umuyobozi mukuru wa Kigali Marriott, Rex Nijhof n’abamwungirije.

Ryaranzwe no gusangira amafunguro humvwa injyana zituje zacurangwaga n’abagabo batatu baturutse i Ankara, umurwa mukuru wa Turikiya, bacurangaga bakavuza n’umwirongi ariko nta jambo ryumvikana.

Hakomeje kuza n’abandi bantu batandukanye barimo n’ambasaderi wa Misiri mu Rwanda, Namira Negm.

IGIHE yaganiriye n’abatetsi b’Abanya-Turikiya basanzwe bakorera Istanbul Marriott Sisli, Ismail Keklikci na Samet Yildiz, badusobanura amwe mu mafunguro abantu basanga muri iri serukiramuco.

Keklikci umaze imyaka 13 mu kazi ko gutegura amafunguro yasobanuye ko gutegura ayo mafunguro bisaba gukomatanya imitegurire itandukanye irimo iyo mu bihugu byo ku Nyanja ya Méditerranée, iby’Abarabu n’u Bugiriki.

Yagize ati “Twazaniye Abanyarwanda ibiryoshye byo muri Turikiya. Turagabura amafunguro atandukanye arimo ayitwa ‘mezze, borek, manti. Amafunguro yacu agizwe n’inkoko, ifi, salade, beef kebabs, kofte n’ibindi byinshi. Dufite na desserts nka lokum yamamaye ku isi hose. Twazanye ikawa n’icyayi by’umwimerere ku buryo abatugana bagomba kuryoherwa nta kabuza.”

Keklikci yakanguriye uzitabira iri serukiramuco wese kutazibagirwa kurya ‘kuru fasulye’, ifunguro rikunzwe cyane muri Turikiya riba rigizwe n’ibintu byinshi harimo ibishyimbo, inyama, n’imboga zitandukanye.

Ni ibirori byaranzwe n’imyambarire ikomoka muri Ottoman n’imirimbo imenyerewe muri Istanbul, umujyi ukomeye muri Turikiya, bisozwa ahagana saa tanu z’ijoro.

Abitabira ibi birori basabwa kwishyura amafaranga 25,000 ubundi bagahabwa ibyo kurya no kunywa bumva n’umuziki.

Amwe mu mafunguro yari yateguwe ku mugoroba wo ku wa Kane
Abagabo batatu bavuye muri Turukiya basusurukije abitabiriye Turkish Food Festival i Kigali mu njyana zizurangwa nta magambo yumvikana
Abashyitsi barimo ambasaderi wa Turikiya mu Rwanda, Mehmet Karaca basangiye n'abayobozi ba Kigali Marriott Hotel
Amafunguro yari yateguriwe ahantu harimbishijwe n'ibikoresho nk'amato yo muri Turukiya
Ambasaderi wa Misiri, Madame Namira Negm (iburyo) aganira n'abandi bitabiriye Turkish Food Festival
Ambasaderi wa Misiri, Madame Namira Negm (iburyo) nawe yitabiriye Turkish Food Festival irimo kubera muri Kigali Marriott Hotel
Ambasaderi wa Turikiya mu Rwanda, Mehmet Karaca (ubanza) yasangiye n'abandi bashyitsi muri Turkish Food Festival
Ambasaderi wa Turikiya mu Rwanda, Mehmet Karaca, yari umushyitsi mukuru muri Turkish Food Festival yatangiye ku wa Kane muri Kigali Marriott Hotel
Eduardo Frausto Cornish, umuyobozi w'abatetsi muri Kigali Marriot Hotel
Hari amafunguro n'imitakire imenyerewe muri Turukiya
Hari 'starters', ibiribwa bitegura igifu kwakira andi mafunguro
Ibi byose ni ibiribwa bibanziriza amafunguro nyir'izina
Ismail Keklikci, umwe mu batetsi b’Abanya-Turikiya basanzwe bakorera Istanbul Marriott Sisli, baje gutunganya amafunguro muri Kigali Marriott
Itsinda ry'abakozi ba Kigali Marriott barimo abatetsi n'abatangaga serivise muri Turkish Food Festival
Itsinda ry'abakozi ba Kigali Marriott batangaga serivise muri Turkish Food Festival
Samet Yildiz, umwe mu batetsi b’Abanya-Turikiya basanzwe bakorera Istanbul Marriott Sisli
Soko Restaurant ya Marriott yari yuzuyemo amafunguro ateguye ku buryo buzwi muri Turukiya
Zimwe mu mbuto zari zateguwe muri Turkish Food Festival

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza