Kwamamaza

EAC: U Rwanda ruzakira iserukiramuco rihuza abahanzi bo mu karere

Yanditswe kuya 17-01-2013 saa 17:47' na Vénuste Kamanzi
     


Kuva tari ya 9 kugeza ku ya 16 Gashyantare mu Rwanda hazabera iserukiramuco rizahuza abahanzi batandukanye bo mu karere ka Afurika y’Iburasirazuba (EAC) rizwi nka Jamafest (Jumuiya ya Afrika Mashariki Utamaduni Festival) ku nshuro yaryo ya mbere.
Ibi byongeye kugarukwaho na Jesca Eriyo, Umunyamabanga Mukuru mu muryango wa Afurika y’Iburasirazuba ushinzwe inzego z’umusaruro n’imibanire mu bantu (Productive and Social Sectors) ubwo yamurikaga ku mugaragaro urubuga rwa internet bise (...)

Kuva tari ya 9 kugeza ku ya 16 Gashyantare mu Rwanda hazabera iserukiramuco rizahuza abahanzi batandukanye bo mu karere ka Afurika y’Iburasirazuba (EAC) rizwi nka Jamafest (Jumuiya ya Afrika Mashariki Utamaduni Festival) ku nshuro yaryo ya mbere.

Ibi byongeye kugarukwaho na Jesca Eriyo, Umunyamabanga Mukuru mu muryango wa Afurika y’Iburasirazuba ushinzwe inzego z’umusaruro n’imibanire mu bantu (Productive and Social Sectors) ubwo yamurikaga ku mugaragaro urubuga rwa internet bise “www.jamafest.org” ruzajya rugaragaraho amakuru yose y’iriserukiramuco, yaba ayo mu bihe byashize n’agezweho.

Mu kumurika uru rubuga kandi Jesca Eriyo yahaye ikaze ndetse anasaba abahanzi n’abaturage bo muri Afurika y’Iburasirazuba, by’umwihariko abo mu Rwanda, kuzitabira iri serukiramuco.

Eriyo yagize ati “Ubu noneho amakuru ya Jamafest ntazagarukira mu karere ka Afurika y’Iburasirazuba gusa, ahubwo agiye gusakara n’ahandi muri Afurika no ku Isi muri rusange, binyuze kuri uru rubuga no ku nkuta zaryo za Facebook na Twitter.”

Ku ikubitiro iri serukiramuco ryemejwe n’inama y’abaminisitiri bashinzwe Umuryango wa Afurika y’Iburasirazuba mu 2011, ku nshuro yaryo ya mbere rikaba rigiye kubera mu Rwanda. Ryahawe insanganyamatsiko igira iti “Dushyigikire Umuryango wa Afurika y’Iburasirazuba tubinyujije mu ruganda rw’umuco.”

Bimwe mu bikorwa biteganijwe muri iri serukiramuco harimo ibitaramo by’imbonankubone (live), Ikinamico, imurikabikorwa ry’ubugeni, ibiganiro no kungurana ibitekerezo n’ibindi. Biteganijwe ko rizitabirwa n’abahanzi benshi baturutse mu bihugu bya Uganda, Kenya, Burundi, Tanzania n’u Rwanda ruzaba rwaryakiriye.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved