Kwibukiranya umuco gakondo mu gitaramo kirimo Mushabizi waririmbye Zaninka

Yanditswe na Mathias Hitimana
Kuya 28 Ukuboza 2012 saa 04:38
Yasuwe :
0 0

Mu rwego rwo gusoza umwaka wa 2012 hibukwa umuco nyarwanda ngo utibagirana, Ikigo nyarwanda cy’ubuzima bushingiye ku muco (RCHC), cyateguye umunsi wo kwibukiranya umuco wa kera hibandwa ku ndirimbo Abanyarwanda benshi bari bamaze kwibagirwa kuri uyu wa gatandatu tariki ya 29 Ukuboza.
Umuco wagaragaraga mu bihangano by’abasaza bagiye bacuranga indirimbo za gakondo, usanga abenshi barimo uwitwaga Sebatunzi, Kabarira, Rujindiri, KirusuTthomas ndetse na Sentore baratabarutse, uretse uyu (...)

Mu rwego rwo gusoza umwaka wa 2012 hibukwa umuco nyarwanda ngo utibagirana, Ikigo nyarwanda cy’ubuzima bushingiye ku muco (RCHC), cyateguye umunsi wo kwibukiranya umuco wa kera hibandwa ku ndirimbo Abanyarwanda benshi bari bamaze kwibagirwa kuri uyu wa gatandatu tariki ya 29 Ukuboza.

Umuco wagaragaraga mu bihangano by’abasaza bagiye bacuranga indirimbo za gakondo, usanga abenshi barimo uwitwaga Sebatunzi, Kabarira, Rujindiri, KirusuTthomas ndetse na Sentore baratabarutse, uretse uyu Mushabizi waririmbye inanga yitwa Zaninka, azagaragara muri icyo gitaramo cyo gusoza umwka kizabera ahitwa Aloha Kigali club/caiman i Kibagabaga, guhera saa kumi n’ebyiri z’umugoroba.

Indi mpamvu nyamukuru ngo yo gutumiza iki gitaramo, biri no mu rwego rwo kwerekana ibyiza bitatse u Rwanda, ubukungu n’umwihariko w’umuco nyarwanda mu muziki gakondo no gusigasira umurage gakondo kugira ngo utazazima nyamara ubitse ibyiza byinshi, biri no muri gahunda ikigo RCHC gifite.

Umusaza Mushabizi Jean Marie Vianey, yakunzwe mu myaka y’1972, aho yaririmbye indirimbo zitandukanye, zirimo iyitwa Zaninka, aho Abanyarwanda benshi bari bakunze kujya bibaza impamvu nyamukuru ituma abahanzi nk’aba ba kera badataramira abakiri bato cyane cyane mu gihe gisoza umwaka.

N’ubwo ariko iki gitaramo ari icyo gusigasira umuco gakondo, uburyo giteguye kwinjira muri icyo gitaramo bazishyuza abakuru ibihumbi bitanu, Couple ibihumbi 8, abana bagatanga igihumbi n’ibihumbi 10.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza