IGIHE.com > Umuco
Ku nshuro ya mbere hagiye kubaho

Ku nshuro ya mbere hagiye kubaho "Nyampinga w’Uburinganire"


Yanditswe kuya 4-02-2013 - Saa 10:06' na Marie Monique Dushime

Ku nshuro ya mbere, za kaminuza n’amashuri makuru mu Rwanda bigiye kujya bigira "Nyampinga w’Uburinganire" mu gikorwa kizaba ngarukamwaka.

Kuri iiki cyumweru tariki ya gatatu Gashyantare 2013, abakobwa 43 muri 60 ni bo batowe mu guhatanira iri kamba. Ikinyamakuru The New times dukesha iyi nkuru kivuga ko abahatana baturutse muri za kaminuza n’amashuri makuru byo mu Rwanda bitandukanye.

Amahitamo yabereye kuri ‘internet’, hakurikijwe ibisubizo batanze ku byerekeye uburinganire.

Iri rushanwa ritegurwa ku bufatanye na Minisiteri y’Urubyiruko n’Ikoranabuhanga, Ihuriro ry’Igihugu ry’Agagore na Minisiteri y’Uburinganire n’Iterambere ry’Umuryango.

Kurwanya ibiyobyabwenge ni kimwe mu bigomba kwigwaho, kuko bigaragara ko ari kimwe mu bibazo bituma habaho ihohoterwa rishingiye ku gitsina.

Ruth Mukasahaha, Umuyobozi wa Arts Agency itegura iki gikorwa, avuga ko abafashwe bokoze neza irushanwa.

Mu matora yo kuri ‘internet’ n’abandi bantu barasabwa gutora, kugira ngo hazaboneke batanu ba nyuma bazahatanira umwanya wa "Nyampinga w’Uburinganire" uzatorwa ku Munsi Mpuzamahanga w’Abagore tariki ya munani Werurwe 2013 muri sitade nto i Remera.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO