IGIHE.com > Umuco

U Rwanda mu iserukiramuco "Récréâtrales"

Yashyizweho kuya 13-11-2012 - Saa 20:42' na Elisée Mpirwa
Kuva tariki ya 2 kugeza ku ya 8 Ugushyingo, i Ouagadougou muri Burkina Faso habereye ku nshuro ya 10 iserukiramuco ngarukamwaka ryiswe "Récréâtrales" ryerekanirwamo imico y’ibihugu bitandukanye aho n’u Rwanda rwaryitabiriye, umuco nyarwanda umurikwa binyuze mu bugeni, muzika, ikinamico na sinema. Uyu mwaka u Rwanda rwari rwatumiwe nk’umushyitsi w’imena w’iserikiramuco mpuzamabanga «Récréâtrales» riba buri myaka ibiri mu mugi wa Ouagadougou muri Burkina Faso. Gahunda y’ibihangano ikaba yarateguwe ikanashyirwa mu bikorwa n’umushinga wa «Rwanda Arts Initiative» ubifashijwemo na Ministeri y’umuco na Siporo y’u Rwanda na PSF. Muri iri serukiramuco, u Rwanda rwahagarariwe n’abahanzi 15 bagizwe n’abanditsi, abatoza n’abakinnyi b’ikinamuco, abanyamuziki, abahanzi muri Sinema n’umunyabugeni ukoresha ikoranabuhanga (installation video) U Rwanda rwakesheje ibitaramo 7, kimwe cya sinema «Kinyarwanda» yamuritswe na Jolie Murenzi, wayikozeho nka Art Director na Assistant Producer, kimwe cy’umukino «carte d’identité» wanditswe ukanakinwa na Diogène Atome Ntarindwa, ibitaramo bitatu by’umukino «Instruction» wateguwe na Dorcy Rugamba ugakinwa n’itorero Urwintore, n’ibitaramo bibiri bya Muzika byizihijwe n’itorero Ikobe ndetse n’umuhanzi Claude Mpayimana, ucuranga umwirongi. Uretse ibyo bitaramo hanamuritswe igihangano cy’ubugeni cyitwa «1994» cy’umuhanzi Laura Nsengiyumva. Muri iri serukiramuco rimara icyumweru u Rwanda rwahawe umunsi w’umwihariko wiswe «Focus Rwanda». Kuri uyu munsi icyicaro cya Festival cyatatswe mu mabara y’u Rwanda, hategurwa ibihangano by’ubukorikori n’imitako nyarwanda. Kuri icyo cyicaro habereye ikiganiro mbwirwaruhame cyo kumara amatsiko abanyaburkina n’abanyamahanga bitabiriye iserukiramuco bifuzaga kumenya u Rwanda n’umuco warwo. Kuri uyu munsi abatumirwa basangiye ifunguro rya kinyarwanda. Abahanzi b’abanyarwanda na bamwe mu bategura iri serukiramuco bari bambaye kinyarwanda, bakenyeye biteye mu myambaro ya Kinyarwanda. Ku gicamunsi habaye umuhango wo gushyira umukono ku masezerano y’umubano n’ubufatanye hagati y’umushinga wa «Récréâtrales» n’umushinga wa «Rwanda Arts Initiative». Uyu muhango ukaba wari uhagarariwe n’umuyobozi muri «Ministère du Tourisme et de la Culture du Burkina- Faso». Nyuma yo gushyira umukono kuri aya masezerano Etienne Minoungou na Dorcy Rugamba bahagarariye Récréâtrales na Rwanda Arts Initiative, bahererekanyije impano n’ibihangano by’ubugeni byo mu bihugu byombi. Ministeri ya Siporo n’umuco y’u Rwanda na Ministeri ya Tourisme n’umuco ya Burkina Faso nazo zahererekanije impano z’ibihangano byo mu bihugu byombi. Nk'uko iri serukiramuco ari n'isoko muzamahanga rihuza abahanzi n'abaguzi (diffuseurs), ibihangano by’abanyarwanda nabyo byaguye amasoko. Muri byo harimo umukino "Investigation" wabonye isoko ryo guseruka i Cologne mu Budage. Mu rwego rw'umuziki, itorero Ikobe n'umuhanzi Claude Mpayimana babonye isoko ryo gucyuza ibirori bizatangiza Festival nyafurika ya Sinema Fespaco mu mujyi wa Niamey i Niger no mu mujyi wa Ougadougou muri Burkina Faso.
Diogène Atome Ntarindwa acinya akadiho
Diogène Atome Ntarindwa acinya akadiho
Jolie Murenzi, Assistant Producer wa filimi
Jolie Murenzi, Assistant Producer wa filimi "Kinyarwanda"
Dorcy Rugamba na Etienne Minoungoubashyira umukono ku masezerano
Dorcy Rugamba na Etienne Minoungoubashyira umukono ku masezerano
Itsinda
Itsinda "Ikobe" ryacuranze injyana ya kinyarwanda
Ikobe yakoreshaga inanga ya kinyarwanda
Ikobe yakoreshaga inanga ya kinyarwanda
Dorcy Rugamba na Etienne Minoungoubashyira umukono ku masezerano
Dorcy Rugamba na Etienne Minoungoubashyira umukono ku masezerano
IBITEKEREZO
Ahandi wabaye ni he?
Musubize 12.12.2012 saa 08:20
-
imico yahandi isigaye iwuvangira disi. birababaje
Musubize 5.12.2012 saa 07:24
disi
ninde wakubeshye
Musubize 5.12.2012 saa 06:19
rekeraho
UMUCO NYARWANDA NIMWIZA KANDI NABANYARWANDA NIBEZA .
Musubize 3.12.2012 saa 01:03
zapis

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!