Kwamamaza

Trans Poesis igiye gufasha abasizi kongera kuzamura inganzo

Yanditswe kuya 24-10-2016 saa 19:57' na Jean Pierre Tuyisenge


Itsinda ritegura amarushanwa ku bantu bafite ubuhanga mu guhanga imivugo Trans Poesis, rivuga ko rigiye gufasha no gutera inkunga abo bantu mu rwego rwo kuzamura inganzo y’imivugo mu Rwanda.

Tuyisenge Olivier, umwe mu bari gutegura iri rushanwa avuga ko bafashe icyemezo cyo kuritegura nyuma yo kubona ko Ubusizi bugenda bucyendera, ndetse n’ababurimo ntibatere imbere kandi ari kimwe mu bukungu buri mu muco nyarwanda.

Yagize ati “ Ubusizi n’ubuhanzi bukunda gukenerwa mu birori byo mu minsi itandukanye, twaratekereje turavuga tuti ko abasizi bafite inganzo nziza kandi bafite ubuhanga, kuki batatera imbere cyangwa ngo inganzo yabo igire agaciro gafatika?, twabikoze kugira ngo nkuko umuntu yicara iwe akumva indirimbo azajye aba ari nako yumva n’Umuvugo.”

Avuga ko bateganyije guhemba abantu batatu bazi guhanga imivugo. Ati “ twahisemo abantu 12 tukazatoranyamo batatu tuzahemba nitubona bafite inganzo nyakuri yo guhanga imivugo.”

Akomeza avuga ko hari hashize iminsi itari mike bakora ubukangurambaga bashishikariza abantu kwiyandikisha muri iryo rushanwa. Mu bantu 49 bohereje ubusabe, iryo tsinda ryahisemo 12 bazatoranywamo 3, bazahembwa mu birori biteganyijwe kuba ku wa 29 Ukwakira 2016, kuri Café Neo mu Kiyovu saa kumi n’ebyiri n’igice z’umugoroba.

Tuyisenge Olivier akomeza asaba buri muntu ufite impano y’ubusizi kutayicarana ngo ayipfukirane, kuko ngo ari ingirakamaro mu muco Nyarwanda. Asaba abantu kwihutira gushoramo imari.

Avuga ko nk’uko abantu bajya bitabira guteza imbere muzika nyarwanda, bakwiye no kubikora mu bahanga imivugo.

Amateka agaragaza ko “Ubusizi” bwatangijwe mu Rwanda na Nyiraruganzu Nyirarumaga wabayeho ku ngoma ya Ruganzu Ndoli ahagana mu mwaka wa 1510, akaba n’umugabekazi.

Mu Rwanda rwo hambere, Umusizi yafatwaga nk’umuntu ukomeye kuko ahanini abasizi bamenyaga amabanga y’i Bwami cyane. Ibyo byatumaga i Bwami hatabura umusizi ku buryo bahasimburanaga byibura hakaba hari nka babiri.

Trans Poesis ni itsinda rigizwe n’abantu batatu barimo, Tuyisenge Olivier, Kayitare Mustafa na Dr. Andrea Grieder uturuka mu Busuwisi, bakaba bariyemeje guteza imbere ubusizi mu Rwanda nk’uko babitangaje.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved