IGIHE.com > Umuco > Ubugeni
Umuco ukomeje gushinga imizi mu bigo by’amashuri yisumbuye

Umuco ukomeje gushinga imizi mu bigo by’amashuri yisumbuye


Yanditswe kuya 22-05-2012 - Saa 16:38'

Muri bimwe biranga umuco wacu wa Kinyarwanda harimo imbyino, imivugo ndetse n’indirimbo gakondo.

Niyo mpamvu rero Minisiteri y’Uburezi ibicishije muri federasiyo y’igihugu y’imikino mu mashuri yisumbuye(FRSS) yateguye amarushanwa mu rwego rw’Igihugu ajyanye nabyo ku nsanganyamatsiko yagiraga iti: ‘Ibiyobyabwenge mu rubyiruko kirazira kikaziririzwa’ kugira ngo umuco urusheho gukomeza gushinga imizi bihereye mu bana bakiri bato.

Mu Mujyi wa Kigali ayo marushanwa yatangiriye mu Karere ka Nyarugenge aho ibigo bine aribyo : ‘Lycee Notre Dame de Citeau, Saint Joseph(Ex JOC), Groupe Scolaire de Kimisagara na Groupe Scolaire Saint Andre byagombaga guhurira muri lycee notre dame de citeau bikarushanwa ariko kubera icyorezo cy’amaso kiri kuvugwa muri Groupe Scolaire Saint Andre ntiyabashije kuhagera kuko abanyeshuri bayo batari bemerewe kujya mu ruhame,bituma akanama kari gashinzwe gutanga amanota kimuka gasanga itorero rya Groupe Scolaire Saint Andre mu kigo kugira ngo naryo rirushanwe.

Nyuma y’amarushannwa akanama gashinzwe gutanga amanota kariherereye gateranya amanota nuko katwereka ko barushanyijwe ku buryo bukurikira :

Mu mbyino

Itorero rya mbere ryabaye irya Lycee notre Damme de Citeau, irya kabiri riba irya Groupe Scolare Saint Andre, irya Gatatu ryabaye irya Groupe Scolaire de Kimisagara, hasoza irya Saint Joseph.

Mu mivugo

Umuvugo wa mbere wabaye uwa Groupe Scolaire Saint Andre ukaba waranaryoheye cyane abari bitabiriye amarushanwa, uwa kabiri wabaye uwa Lycee Notre Dame de Citeau, uwa gatatu uba uwa Groupe Scolaire de Kimisagara, hasoza uwa Saint Joseph.

Mu ndirimbo

Harushanyijwe ibigo bibiri aribyo Lycee Notre Dame de Citeau,na Saint Joseph, birangira Lycee Notre Dame de Citeau yegukanye umwanya wa mbere ikurikirwa na Saint Joseph.

Ayo marushanwa rero narangira mu turere azakomereza mu ntara zose maze abitwaye neza mu ntara zose n’umugi wa Kigali bazarushanwe ku Rwego rw’Igihugu.

Ibi bizafasha abana b’u Rwanda gukura bazi kandi bakunda umuco wacu wa Kinyarwanda maze uzakomere kandi ukomeze gushinga imizi uhereye mu bana bakiri bato.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO