IGIHE.com > Umuco > Umurage
 Gasabo : Basoreje icyumweru cy’umuco aho Gihanga yahangiye u rwa Gasabo

Gasabo : Basoreje icyumweru cy’umuco aho Gihanga yahangiye u rwa Gasabo


Yanditswe kuya 26-11-2012 - Saa 08:48' na Emmanuel Kwizera

Babinyujije mu byivugo, ibisakuzo, imivugo, kuvugira inka n’ibindi, abaturage bo mu Murenge wa Rutunga mu karere ka Gasabo bashoje icyumweru cy’umuco bibukiranya ku muco wo hambere, dore ko uyu murenge unafite umurage munini ku muco nyarwanda.

Muri uyu murenge wa Rutunga ni ho umwami Gihanga Ngomijana uvugwa mu mateka nk’uwahanze u Rwanda yahangiye u Rwanda rwa Gasabo.

Ku wa 24 Ugushyingo, icyumweru cy’umuco cyari gifite insanganyamatsiko igira iti “Umuco, isoko y’iterambere.”

Nzabamwita Dismas, Umunyamabanga Nshingabikorwa w’Umurenge wa Rutunga, avuga ko uyu murenge ufite byinshi bijyanye n’umuco, kuko i Rutunga hakoreraga itorero ry’umwami Gihanga kuri ubu hitwa I Gasabo mu Mudugudu wa Vugavuge.

Mu minsi ishize ubwo byagaragaraga ko umuco wakendereye byatumye hagarurwa indangagaciro z’umuco zitandukanye nk’inkiko Gacaca, guhana inka n’abageni, itorero, kumenyereza umwana kubaha, gushyiraho inteko z’abaturage, kwihangira udushya, kwibumbira mu mashyirahamwe hatitawe ku by’abanyamahanga, kubaka ikinyagihumbi cya 21 gishingiye ku muco n’ibindi bigendana n’umuco ukomorwa mu Banyarwanda nk’uko Musirikare David, Umujyanama uhagarariye Inama Nkuru yIgihugu y’Urubyiruko mu Karere ka Gasabo yabitangaje.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO