Michael B. Jordan ni we mugabo w’igikundiro gihebuje mu mwaka wa 2020 (Amafoto)

Yanditswe na Umwali Zhuri
Kuya 18 Ugushyingo 2020 saa 10:30
Yasuwe :
0 0

Umukinnyi wa filimi, Michael B. Jordan, yatangajwe nk’umugabo w’igikundiro gihebuje w’umwaka wa 2020 watowe n’Ikinyamakuru “People”, aba umwirabura wa gatatu ushyizwe kuri uyu mwanya mu nshuro eshatu zikurikirana.

Michael B. Jordan yakinnye muri filimi zikomeye kandi zakunzwe nka “Black Panther” aho yitwaga Erik Killmonger. Ni umusore w’imyaka 33 ukiri ingaragu, wubatse izina ku rwego ruhambaye mu 2015 ubwo yakinaga muri filimi yiswe Creed iba ari iy’umurwano w’iteramakofe. Muri iyi filimi yakinnye atozwa na Sylvester Stallone.

Akundwa na benshi kubera igihagararo cye n’igikundiro no kuba ari umusore w’uburanga, ukurura abo badahuje igitsina.

Abaye umwirabura wa gatatu ku nshuro zikurikiranya uhawe iri zina ryo kuba umugabo w’igikundo w’umwaka, nyuma ya Idris Elba mu 2018 na John Legend mu 2019.

Ni umwe mu bantu bamaze igihe kinini basaba impinduka mu buryo sosiyete ibayeho cyane muri Leta Zunze Ubumwe za Amerika, nk’aho yavuze ko abirabura muri sinema bakwiye gufatwa kimwe n’abera.

Mu gihe muri Amerika habaga imyigaragambyo yamagana ubwicanyi bukorerwa abirabura, Michael na we yiyunze ku bandi benshi yamagana ubu bugizi bwa nabi.

Amafoto ya Michael B. Jordan mu bihe bitandukanye

Michael B. Jordan yagenwe nk'umugabo w'igikundiro gihebuje mu 2020
Ni umusore w'imyaka 33 umaze kubaka izina rikomeye muri sinema
Michael B. Jordan yanditse izina rikomeye ubwo yakinaga yitwa Adonis Creed muri filimi yitwa Creed
Uyu musore ukiri ingaragu yishimirwa n'abantu benshi
Michael B. Jordan yahuje urugwiro na Lupita Nyong'o bakinanye muri Black Panther

Reba agace gato ka Creed, imwe muri filimi Michael B. Jordan yakinnyemo


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .