Incamake y’ubuzima bwa Meles Zenawi wari Minisitiri w’Intebe wa Ethiopia

Yanditswe na

Constantin Tuyishimire

Kuya 22 Kanama 2012 saa 01:55
Yasuwe :
0 0

Meles Zenawi izina rye ryuzuye ni Meles Zenawi Arses, yavutse ku wa 8 Gicurasi mu 1955 mu ntara ya Tigray ho muri Ethiopiya.
Uyu mugabo yize icyiciro rusange cy’amashuri yisumbuye mu ishuri ryitwa “La Queen of Sheba Junior Secondary School”, hanyuma akomereza icyiciro cya kabiri cy’amashuri yisumbuye ahitwa “La General Wingate School” mu murwa mukuru wa Ethiopiya, Addis Abeba, akaba ari na ho yarangirije amashuri ye yisumbuye mu 1972.
Muri uwo mwaka yahise akomereza amasomo ye muri Kaminuza (...)

Meles Zenawi izina rye ryuzuye ni Meles Zenawi Arses, yavutse ku wa 8 Gicurasi mu 1955 mu ntara ya Tigray ho muri Ethiopiya.

Uyu mugabo yize icyiciro rusange cy’amashuri yisumbuye mu ishuri ryitwa “La Queen of Sheba Junior Secondary School”, hanyuma akomereza icyiciro cya kabiri cy’amashuri yisumbuye ahitwa “La General Wingate School” mu murwa mukuru wa Ethiopiya, Addis Abeba, akaba ari na ho yarangirije amashuri ye yisumbuye mu 1972.

Muri uwo mwaka yahise akomereza amasomo ye muri Kaminuza ya Addis Abbeba aho yigaga ibijyanye n’ubuvuzi.

Meles ntiyakomeje kwiga kubera ko yahise ahagarika amashuri ye mu gihe kingana n’imyaka ibiri, kugira ngo ajye kwifatanya n’umutwe wa politiki witwa “Fond de Liberation du peuple du Tigre (FLPT).” Uyu mutwe ukaba utaravugaga rumwe n’ubutegetsi bwari buriho muri Ethiopia.

Mu mwaka w’1989 Meles yabaye Umuyobozi Mukuru wa FLPT icyarimwe NO kuyobora ishyaka ryaharaniraga impinduka mu baturage ba Ethiopia.

Nyuma y’uko ubutegetsi bwariho buhirimiye ku itariki ya 28 Gicurasi 1991, Meles yaje kuba umuyobozi wa Guverinoma y’inzubacyuho kugeza ku itariki ya 22 Kanama 1995, aho yagaragaje impinduka nziza mu gihugu cye harimo guha abaturage ibwisanzure busesuye mu gutanga ibitekerezo byabo .

Meles yabaye Minisitiri w’Intebe ku mugaragaro, nyuma yo gutsinda amatora yabaye ku wa 22 Kanama 1995. Mu mwaka wa 2009 ndetse no mu 2010 yabaye Umuvugizi w’ibihugu bya Afurika ku bijyanye n’ihinduka ry’ikirere.

Uyu munyapolitiki akaba yarongeye kugirirwa icyizere cyo kuba Minisitiri w’Intebe mu mwaka wa 2000 ba 2005 ndetse no mu 2010.

Ikiyongeyeho kandi ni uko Meles yitabye Imana ari umuyobozi wa NEPAD kuva ku itariki ya 6 Kamena 2007. Akaba yaritabye Imana mu ijoro ryo kuwa 20 rishyira kuwa 21 Kanama 2012.

Zenawi ni umwe mu bakuru b’ibihugu bari bafitanye umubano mwiza n’u Rwanda, dore ko mu mwaka wa 2009 ubwo hizihizwaga umunsi wo kwibohora, yahawe imidari y’ishimwe irimo “Uruti” ruhabwa abagize uruhare mu rugamba rwo kubohora u Rwanda ndetse n’”Umurinzi” nk’uwagize uruhare mu kurwanya Jenoside.

Inkuru bifitanye isano:

Ethiopia : Minisitiri w’Intebe Meles Zenawi yishwe n’uburwayi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza