00:00:00 IGIHE NETWORK KN KINYARWANDA EN ENGLISH FR FRANCAIS

Nyarugenge: Yamaze imyaka itanu aba mu muhanda nyuma yo gusanga ababyeyi be barimutse

Yanditswe na Thamimu Hakizimana
Kuya 2 Nzeri 2021 saa 06:36
Yasuwe :
0 0

Umusore uri mu kigero cy’imyaka 16 wo mu Kagari ka Nyabugogo mu Murenge wa Kigali, yamaze imyaka igera kuri itanu aba mu mihanda nyuma yo kuva iwabo ahunze amakimbirane y’ababyeyi, aho atahiye asanga aho bari batuye barimutse biba ngombwa ko asubira mu muhanda.

Ibi yabitangarije ubuyobozi ku wa Kabiri tariki 24 Kanama 2021, ubwo hatangizwaga ubukangurabaga bwo kurwanya ubuzererezi mu bana bwateguwe n’Ikigo cy’Ighugu gishinzwe Igororamuco, NRS.

Uyu mwana w’umuhungu yavuze ko yagiye mu muhanda afite imyaka 11 ahunze amakimbirane yahoraga abona hagati ya se na nyina.

Ahamya ko yahisemo kwibera mu muhanda mu kwirinda guhora abona nyina na se barwana kubera ubusinzi bwabo.

Ati “Nagiye mu muhanda kubera ubushobozi buke bwo mu rugo ariko ahanini icyabinteye ni ukubera ko nahoraga mbona barwana mpitamo kubahunga njya kwirarira mu ngangi.”

Akomeza ashimangira ko nta cyiza yabonye mu myaka yose yabaye mu muhanda uretse imiruho cyane ko yararaga muri za ruhurura no nzu zasenyutse cyangwa ziri kubakwa.

Ati "Nta cyiza cyo kuba mu muhanda kuko akenshi nararaga muri ruhurura imibu n’imbeho binyica kubona ibyo kurya ari intambara.”

Yongeyeho ko nyuma y’igihe gito yibera mu muhanda, ubwo buzima bwaje kumunanira ahitamo gutaha ariko aza guhura n’ibyago asanga ababyeyi be barimutse bituma asubira muri ubwo buzima bubi.

Ati “Njye naje kurambirwa ubuzima bwo mu muhanda ndabwanga noneho ndataha ariko ikibazo naje kugira kubera ko ababyeyi banjye batishoboye nasanze barimutse mbura aho baba kuko bakundaga kugenda bimuka ku buryo byabaye ngombwa ko nisubirira mu muhanda mbamo igihe kirekire gutyo.”

Uyu mwana yashimiye ubuyobozi bw’Akarereka Nyarugenge bwaje kumuhuza n’umubyeyi we bituma asubira mu ishuri.

Ati “Ndashimira ubuyobozi ariko ndasaba ko mwadufasha nk’abana bo mu muhanda natwe mukajya muturihira amashuri kubera ko ababyeyi bacu nta bushobozi kandi mbijeje ko nzatsinda kuko n’ubu ndi kuba uwa mbere mu ishuri kuva aho ntangiriye.”

Imibare y’Ikigo cy’Igihugu gishinzwe igororamuco NRS igaragaza ko abana 3096 aribo bari baragiye mu muhanda mu gihe 2641 muri bo bavuyemo ndetse ko abasubiye mu ishuri ari 223.

Yamaze imyaka itanu aba mu muhanda nyuma yo gusanga ababyeyi be barimutse aho bari batuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .