Igor Mabano yashyingiranywe n’umukunzi we mu birori byitabiriwe n’ibyamamare bitandukanye mu Rwanda, byabaye kuri iki Cyumweru tariki 5 Nzeri 2021, ahitwa Rebero Heaven Garden akaba ariho basezeraniye bakanahakorera ibindi birori.

Ubukwe bw’uyu muhanzi bwari bwitabiriwe n’ibyamamare bitandukanye birimo Platini P, Nel Ngabo, Juda Muzika, Ben Adolphe, Dj Ira n’abandi batandukanye. Ishimwe Clement ni we wabaye Parrain w’uyu muhanzi.

Mabano yari aherutse gusezerana imbere y’amategeko n’umufasha we, mu birori byari byaragizwe ibanga rikomeye kuko uyu muhanzi atigeze yifuza ko bijya mu itangazamakuru. Ni umuhango wabereye ku biro by’Umurenge wa Kimihurura ku wa 27 Kanama 2021.

Uyu muhango wakurikiwe n’uwo gusaba no gukwa wabereye ku Kimironko mu Mujyi wa Kigali. Igor Mabano yari agaragiwe n’abarimo Nel Ngabo, OG The General, Janvier Kayitana, Frank Double Bass, Shiny Abdallah, Andy Bumuntu , Yvan Buravan n’abandi.

Igor Mabano afite ubuhanga mu gukirigita ibicurangisho bitandukanye birimo ingoma za kizungu, guitar ndetse na piano. Ni n’umuririmbyi wabigize umwuga cyane ko yabihuguriwe mu Ishuri rya Muzika ku Nyundo.

Ni imfura mu bize muri iri shuri ndetse yari mu bayoboye mu itsinda ry’umuziki ryahavukiye ryitwa ‘Sebeya band’ ryaje gutandukana. Ubu yigisha ibijyanye no kuvuza ingoma za kizungu nyuma yo gusoza amasomo mu 2016.

Abageni babanje guhabwa impanuro mbere yo gusezeranywa

Akanyamuneza kari kose ku bageni. Buri wese yamwenyuraga

Ibi birori byabaye kuri iki Cyumweru tariki 5 Nzeri 2021 ahitwa Rebero Heaven Garden akaba ariho basezeraniye bakanahakorera ibindi birori

Igor Mabano na Ishimwe Clement basanzwe bakorana bya hafi

Igor Mabano na Ishimwe Clement wari wabaye Parrain

Igor Mabano na Laura nyuma yo guhana isezerano

Igor Mabano ntabwo akibarizwa mu ngaragu

Igor Mabano yacishagamo akaganiriza umugeni we

Igor Mabano yemeye kuba umugabo wa Laura barushinze

Imiryango yari yabukereye

Ishimwe Clement yagaragiye Igor Mabano

Ishimwe Clement asinya nk'umuhamya w'isezerano rya Mabano na Laura

Ishimwe Clement ni we wabaye Parrain wa Igor Mabano ukorera umuziki mu nzu ifasha abahanzi ya Kina Music

Laura ahamya isezerano rye na Igor Mabano akamwemerera ko abaye umufasha we

Laura yabaye umugore wa Igor Mabano imbere y'Imana n'abantu

Laura yanyuzagamo akamwenyura nyuma yo gukubita amaso umugabo we

Mighthy Popo ni umwe mu bari bitabiriye ubu bukwe

Pasiteri asengera abageni nyuma yo kubasezeranya

Pasiteri wabasezeranyije na we yasinyiye aba bageni yemeza ko babaye umwe

Sharon Gatete wize umuziki ku Nyundo ndetse akaba n'umwe mu baririmbyi ba Kingdom of God Ministries ni umwe mu bari muri ubu bukwe

Ubukwe bwitabiriwe n'abantu bake kubera ingamba zo kwirinda Coronavirus

Urukundo rwa Igor Mabano n'umukunzi we ntirwigeze ruvugwa cyane mu itangazamakuru

Igor yambika umukunzi we impeta nk'ikimenyetso cy'urukundo ruzira uburyarya

Uyu muhanzi yaherukaga gusaba no gukwa mu muhango wabereye ku Kimironko mu Mujyi wa Kigali

Amafoto: Munyarugerero Gift