Kapiteni w’Amavubi Niyonzima Haruna yasezeranye n’umugore wa kabiri (Amafoto)

Yanditswe na Eric Tony Ukurikiyimfura
Kuya 28 Mata 2020 saa 09:20
Yasuwe :
0 0

Kapiteni w’Ikipe y’Igihugu ‘Amavui’, Haruna Niyonzima, yasezeranye n’umugore wa kabiri, Niyitegeka Consolée ’Cassa Rayaan’, umuhango wabereye muri Tanzania aho uyu mukinnyi asanzwe akina mu Ikipe ya Yanga SC.

Niyonzima Haruna yasubiye gukina muri Tanzania muri Mutarama uyu mwaka, avuye muri AS Kigali.

Bamwe mu bo hafi y’aba bombi bavuganye na IGIHE, bavuze ko ubukwe bwa Niyonzima Haruna na Niyitegeka Consolée bwabaye mbere gato y’uko igisibo cya Mwezi Ramadhan gitangira, ariko bari bahisemo kubigira ibanga.

Haruna Niyonzima yari amaze imyaka ibiri akundana n’uyu mukobwa ndetse kuri ubu babana muri Tanzania kuva asubiyeyo mu ntangiriro z’uyu mwaka.

Mu Rwanda, Niyonzima Haruna yabanaga n’umugore we wa mbere, Uwineza Consolée, basezeranye imbere y’amategeko mu Ukwakira 2015 ndetse bakaba bafitanye abana.

Niyonzima Haruna w’imyaka 30 (nk’uko ibyangombwa akiniraho bibigaragaza), yamenyekanye akinira Etincelles mu 2004, ari nabwo yatangiye guhamagarwa mu Ikipe y’Igihugu y’Abato.

Mu 2006 yerekeje muri Rayon Sports, gusa ntiyayitinzemo kuko yahise yerekeza muri APR FC mu 2007, ahava ajya muri Yanga SC mu 2011, iyi yavuyemo mu 2017 yerekeza muri mukeba Simba SC.

Mu mpeshyi ya 2019 nibwo yatandukanye na Simba SC, agaruka mu Rwanda, nyuma y’amezi atandatu akinira AS Kigali, yongera kugurwa na Yanga SC.

Haruna yasezeraniye na Niyitegeka Consolée muri Tanzania
Niyitegeka Consolée uzwi nka Cassa Rayaan wasezeranye na Haruna Niyonzima nk'umugore wa kabiri
Haruna Niyonzima yashatse umugore wa kabiri, kuri ubu babana muri Tanzania
Haruna Niyonzima yashyigikiwe n'abarimo Djuma Abdul bakinana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .