Niyonzima Olivier ‘Sefu’ ukinira APR FC n’Amavubi yateye ivi

Yanditswe na Eric Tony Ukurikiyimfura
Kuya 9 Werurwe 2020 saa 08:36
Yasuwe :
0 0

Niyonzima Olivier ‘Sefu’ ukina mu kibuga hagati muri APR FC n’ikipe y’Igihugu ‘Amavubi’, yaraye ateye ivi asaba umukunzi we, Mushambokazi Belyse, kuzamubera umugore.

Niyonzima w’imyaka 27, yatereye ivi kuri Quiet Haven Nyarutarama ejo ku Cyumweru, ndetse umukunzi we, Mushombakazi Belyse amwemera kuzamubera umugore.

Sefu ukina mu kibuga hagati imbere ya ba myugariro cyangwa akaba yakwigira imbere agakina inyuma ya ba rutahizamu, ni umukinnyi wa APR FC guhera muri Nyakanga 2019, aho bivugwa ko yatanzweho miliyoni 22 Frw kugira ngo yerekeza mu ikipe y’ingabo z’igihugu.

Yakuriye mu ishuri ryigisha umupira ry’Isonga, avamo muri 2015 yerekeza muri Rayon Sports yakiniye imyaka ine, agatwarana na yo ibikombe bibiri bya Shampiyona mu mwaka w’imikino wa 2016/17 na 2018/19, na kimwe cy’Amahoro mu 2016.

Ari muri Rayon Sports, yatwaye kandi ibikombe bibiri by’Agaciro Development Fund mu 2017 na 2018, bagerana muri ¼ cya CAF Confederation Cup mu 2018.

Mu mezi umunani amaze muri APR FC, bamaze gutwarana igikombe cy’Ubutwari 2020 mu gihe yayitsindiye ibitego bibiri mu mikino ya Shampiyona y’uyu mwaka igeze ku munsi wa 22.

Niyonzima Olivier yateye ivi asaba umukunzi we ko yazamubera umugore
Umukunzi wa Niyonzima Olivier, Mushambokazi Belyse, yamwemereye kuzamubera umugore
Niyonzima Olivier 'Sefu' na Mushambokazi bamaze umwaka umwe n'igice bakundana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .