Coronavirus kuwa 19 Gicurasi: Abanduye ku Isi bagiye kugera kuri miliyoni eshanu

Yanditswe na Habimana James
Kuya 19 Gicurasi 2020 saa 10:59
Yasuwe :
0 0

Ishami ry’Umuryango w’Abibumbye ryita ku buzima, OMS, ryatangaje ko abamaze kwandura coronavirus ku Isi bageze kuri 4 905 839, abandi 320 368 bamaze gupfa naho 1 916 359 nibo bamaze gukira.

OMS yagaragaje ko kuri uyu wa Mbere abantu 100 610 nibo banduye iki cyorezo naho abandi 4 636 nibo bapfuye.

Inzego z’ubuzima muri Leta Zunze Ubumwe za Amerika, zatangaje ko abishwe na Coronavirus kuri uyu wa Mbere ari 1 003, ibi byatumye abamaze gupfa muri iki gihugu baba 91 981 naho 1 550 294 bamaze kwandura.

Kugeza ubu Leta Zunze Ubumwe za Amerika nizo zikomeje kuza imbere mu kugira umubare w’abanduye n’abamaze gupfa ku Isi, u Burusiya buri ku mwanya wa Kabiri mu banduye kuko ari abantu 299 941, hamaze gupfa 2 837, Espagne iraza ku mwanya wa Gatatu kuko bufite abanduye 278 188 hamaze gupfa 27 709, muri Brésil handuye 255 368, hamaze gupfa 16 853, mu Bwongereza handuye 246 406, hamaze gupfa 34 796.

Ku mugabane wa Afurika wose hamaze kugaragara abantu 90 080 banduye Coronavirus, abamaze gupfa basaga 2 850 naho abakize ni 34 879.

Afurika y’Epfo iri imbere mu kugira abafite ubwandu bwinshi kuko ari 16 433, abamaze gupfa ni 286, ikurikirwa na Misiri ubu ifite abamaze gupfa benshi kuri uyu mugabane, kuko bageze kuri 645 naho abamaze kwandura ni 12 764.

Muri Afurika y’Iburasirazuba, kugeza ubu igihugu kiza imbere mu bwandu bwinshi ni Kenya kuko hamaze kwandura 912 hapfuye 50, Tanzania iza ku mwanya wa kabiri, kuko handuye 509 hapfuye 21, u Rwanda rufite abanduye 297 abamaze gukira ni 203, muri Uganda ho hamaze kwandura 248, mu Burundi handuye abantu 42 hapfa umwe naho muri Sudani y’Epfo hamaze kwandura abantu 290 hamaze gupfa bane.

Abamaze kwandura coronavirus ku Isi bagiye kugera kuri miliyoni eshanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .