Algeria: Perezida Tebboune yajyanywe kuvurirwa mu Budage, biracyekwa ko yanduye Covid-19

Yanditswe na Bukuru JC
Kuya 29 Ukwakira 2020 saa 10:59
Yasuwe :
0 0

Perezida wa Algeria Abdelmadjid Tebboune, wari umaze iminsi arwariye mu bitaro bya gisirikare byo mu murwa mukuru Alger, kuri ubu yamaze kujyanwa mu Budage aho azakomereza kwivuriza.

Ku wa 28 Ukwakira nibwo Ibiro by’Umukuru w’igihugu muri Algeria byatangaje ko Perezida w’iki gihugu yajyanwe mu bitaro, gusa ntibyigeze bivuga icyo arwaye nubwo hari hashinze iminsi mike bitahuwe ko bamwe mubo bahuye basanzwemo icyorezo cya Covid-19.

BBC ivuga ko kugeza ubu bitazwi uko ubuzima bw’uyu mugabo w’imyaka 75 buhagaze ariko ikemeza ko hari amakuru avuga ko yanduye Covid-19.

Guhera ku wa 24 Ukwakira Perezida Tebboune yari yatangaje ko agiye kwishyira mu kato k’iminsi itanu nyuma y’uko bamwe mu bakorana nawe bya hafi bari bamaze gusanganwa icyorezo cya Covid-19.

Perezida wa Algeria, Abdelmadjid Tebboune wari umaze iminsi arwariye mu gihugu cye yajyanywe kuvurirwa mu Budage

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .