Coronavirus ku wa 17 Gicurasi: Abasaga ibihumbi icyenda mu Burusiya banduye mu munsi umwe

Yanditswe na Bukuru JC
Kuya 17 Gicurasi 2020 saa 11:33
Yasuwe :
0 0

Umubare w’abandura Coronavirus hirya no hino ku isi ukomeje kwiyongera, u Burusiya bukaba buri mu bihugu byibasiwe cyane kuko mu masaha 24 ashize, abantu bashya 9709 banduye.

Byatumye icyo gihugu kiza muri bibiri bya mbere bimaze kugira umubare w’abanduye benshi ku Isi nyuma ya Leta Zunze Ubumwe za Amerika aho abamaze kwandura ari 1,507,798. Abanduye bose mu Burusiya ni 281,752.

Mu masaha 24 ashize, abantu 596 nibo byatangajwe ko bishwe na Coronavirus ku Isi mu gihe abashya banduye muri rusange ari 19,094.

Ku Isi yose umubare w’abamaze kwandura Coronavirus wageze kuri 4 736 104, abapfuye ni 313 498 mu gihe abamaze gukira ari 1 818 949.

Muri Afurika abantu bamaze kwandura Coronavirus ni 83 365 mu gihe abamaze gupfa ni 2 726.

Afurika y’Epfo niyo iza ku mwanya wa mbere mu kugira abanduye benshi kuko ari 14 355, ikurikiranwa na Misiri ifite 11 719 na Algeria ifite 11 719.

Muri Afurika y’Iburasirazuba, mu Rwanda hamaze kwandura abantu 289, mu Burundi ni 15, Tanzania hamaze kwandura abantu 509, muri Kenya ni 830, muri Uganda handuye abantu 227 naho muri Sudani y’Epfo ni 236.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .