COVID-19: Ireland yakuyeho akato ko muri hotel ku binjira mu gihugu bakingiwe

Yanditswe na Dufitumukiza Salathiel
Kuya 17 Mata 2021 saa 11:20
Yasuwe :
0 0

Guverinoma ya Ireland igiye gukuraho gahunda yo gushyira mu kato k’iminsi 12 muri hotel abinjira mu gihugu bamaze gukingirwa COVID-19.

Minisitiri w’Ubuzima w’icyo gihugu, Stephen Donnelly, yatangaje ko ako kato kagiye gukurwaho mu minsi iri imbere nyuma yo kubishyira mu mabwiriza mashya, ariko abo bagenzi bakazajya basabwa kwishyira mu kato mu ngo zabo.

Ati “Amabwiriza yemewe ubu noneho arakenerwa kugira ngo abarangije gukingirwa badashyirwa mu kato ko muri hotel kagizwe itegeko ku binjira, ahubwo bakishyiremo mu ngo zabo. Aya mabwiriza azandikwa ndetse yemezwe mu minsi iri imbere.”

Ku rundi ruhande, iyo ntambwe yatewe na Ireland yanenzwe na Komisiyo y’Ubumwe bw’u Burayi ko ari “uguhutaza” uburenganzira bw’abaturage b’ibihugu bigize uwo muryango bwo kuba batemberera aho bashaka. Ibyo birahuzwa n’uko abatarakingiwe bazakomeza gushyirwa mu kato k’iminsi 12 muri hotel, ibintu byerekana ubusumbane.

Ireland iri mu bihugu bihagaze neza mu kwihutisha ibikorwa byo gukingira Coronavirus, aho imibare yerekana ko abantu 22 mu 100 bakingiwe. Abagera kuri 16% bamaze guhabwa dose imwe, naho 6,5% barangije gukingirwa.

Abantu bakingiwe ntibazongera gushyirwa mu kato muri hotel mu gihe bageze muri Ireland

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .