COVID-19: Trump arashaka ko urukingo rwamwitirirwa

Yanditswe na Dufitumukiza Salathiel
Kuya 12 Mata 2021 saa 02:38
Yasuwe :
0 0

Uwahoze ari Perezida wa Leta Zunze Ubumwe za Amerika, Donald Trump, yavuze ko urukingo rwa COVID-19 rwagakwiye kumwitirirwa kuko yagize uruhare mu kwihutisha umuvuduko w’ikorwa ryarwo mbere yo kuva ku butegetsi.

Yabitangarije mu muhuro yagiranye n’abamushyigikiye 360 wabereye muri Leta ya Florida ku wa 10 Mata 2021, aho yanongeye gukomoza ku kuzasubira mu Biro by’Umukuru w’Igihugu, White House, mu 2024.

CNN yatangaje ko “Trump yabwiye abari bateraniye aho ngo buri wese yari akwiye gukoresha ijambo ‘Trumpcine’ aho kuvuga ‘vaccine’ [mu gihe avuga urukingo rwa Coronavirus]”.

Uwo mugabo wanenzwe na benshi mu banyapolitiki kujenjekera icyorezo cya Coronavirus ubwo yari ku butegetsi, “yikomye abamushinje kudahangana na Coronavirus uko bikwiye” barimo n’Aba-Républicains nka Senateri Mitch McConell. Kuri we ngo yakoze ibikomeye byagatumye n’urukingo rumwitirirwa.

Perezida uriho Joe Biden n’abandi bacyuye igihe ndetse n’abo mu nzego nkuru batandukanye bashinja Trump kuba imbarutso y’impfu n’ubwandu bya COVID-19 bitumbagira buri munsi muri Amerika, kubera kudakaza ingamba zo kuyirinda nk’uko ibindi bihugu byabigenje.

Ubu icyo gihugu kiri imbere n’ubwandu miliyoni 31,9, naho impfu zikaba zigeze ku bihumbi bisaga 576.

Donald Trump arashaka ko urukingo rwa COVID-19 rumwitirirwa/ Ifoto: Star Tribune

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .