00:00:00 IGIHE NETWORK KN KINYARWANDA EN ENGLISH FR FRANCAIS

Israel yafunze imipaka kubera Omicron

Yanditswe na IGIHE
Kuya 28 Ugushyingo 2021 saa 08:18
Yasuwe :

Leta ya Israel yatangaje ko nta munyamahanga n’umwe izongera kwakira mu kwirinda ikwirakwira ry’ubwoko bushya bwa Coronavirus buzwi nka Omicron.

Iki cyemezo cyatangiye gushyirwa mu bikorwa ku wa Gatandatu tariki 27 Ugushyingo 2021.

Minisitiri w’Intebe wa Israel, Naftali Bennett yavuze ko iki cyemezo kizamara iminsi 14. Muri icyo gihe ngo hazaba hamaza kuboneka amakuru ahagije kuri ubu bwoko bushya bwa Coronavirus.

Kugeza ubu nta muntu wemerewe kujya muri Israel uretse abaturage bayo nabo babanza gushyirwa mu kato.

Israel ibaye igihugu cya mbere gifashe icyemezo cyo gufunga imipaka yacyo nyuma y’uko hagaragaye ubu bwoko bushya bwa Coronavirus.

Iyi virusi yagaragaye bwa mbere muri Botswana na Afurika y’Epfo mu minsi ine ishize. Ubu yamaze gukwira henshi, yaba mu Burayi nko mu Bubiligi, muri Israel no mu bindi bihugu.

Ubushakashatsi bw’ibanze bugaragaza ko bufite ubukare kurusha Delta yari imaze igihe ifatwa nk’aho ariyo ikomeye kandi yarakangaranyije Isi.

Nubwo Omicron itaragaragara mu Rwanda, Minisiteri y’Ubuzima yashishikarije Abaturarwanda gukomeza kwitabira gahunda yo gufata urukingo rwa Covid-19, kuko uko byagenda kose abakingiwe bafite amahirwe menshi yo guhangana nayo.

Israel yafunze imipaka kubera ubwoko bushya bwa Coronavirus buzwi nka Omicron

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .