Paris: Abaturage ibihumbi bigaragambije bamagana itegeko rihana uwakwirakwije amashusho y’abapolisi

Yanditswe na Umwali Zhuri
Kuya 21 Ugushyingo 2020 saa 06:24
Yasuwe :
0 0

Ibihumbi by’abaturage bigaragambya kuri uyu wa Gatandatu biraye mu mihanda y’i Paris mu Bufaransa, bamagana umushinga w’itegeko rishya rigena ibihano ku muntu wese ushyize ku karubanda amashusho y’abapolisi bari mu kazi ntahishe amasura yabo.

Uyu mushinga w’itegeko ry’umutekano waganiriweho n’abadepite b’u Bufaransa ku wa Kabiri w’iki Cyumweru, mu gihe uzaba umaze guhinduka itegeko, umuntu wese yaba umunyamakuru cyangwa umuturage usanzwe, ukwirakwije amashusho y’abapolisi adahishe amasura yabo azaba akoze icyaha.

Ikindi kandi ushyira ku mbuga nkoranyambaga ayo mashusho agamije gutesha agaciro abapolisi bari mu kazi ashobora gufungwa cyangwa se agacibwa ihazabu igera ku bihumbi 45 by’ama-euro, ni ukuvuga miliyoni zirenga 45 Frw.

Imiryango irengera ikiremwamuntu hamwe n’abanyamakuru bamaganye uyu mushinga, aho bawubona nk’ugamije guhonyora ubwisanzure bw’itangazamakuru no kubuza abantu kugaragaza aho abapolisi bakoresha ububasha bafite mu buryo bunyuranye n’amategeko. Bagaragaza kandi ko uyu mushinga wanditse nabi kuko amagambo yakoreshejwe arimo akavuyo kenshi.

Reba amashusho agaragaza abaturage mu mihanda bigaragambya mu kwamagana uyu mushinga w’itegeko


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .