00:00:00 IGIHE NETWORK KN KINYARWANDA EN ENGLISH FR FRANCAIS

Paris: Urukiko rurasuzuma ibyo Abanyarwanda barega Canal+ ku gupfobya Jenoside

Yanditswe na

Karirima Ngarambe

Kuya 9 Werurwe 2015 saa 11:09
Yasuwe :
0 0

Urukiko rw’Ubujurire rwa Paris rurasuzuma ikirego Urugaga rw’Abanyarwanda baba mu Bufaransa (Communauté Rwandaise de France) rwatanze nyuma y’uko Televiziyo Canal+ itangaje icishije ku murongo wayo, ikinamico rigufi bivugwa ko ryari rigamije gusetsa abantu ryiswe "Rendez-vous en parenthèse inattendue”, ku itariki ya 20 ukuboza 2013.

Biteganyijwe ko kuri uyu wambere tariki ya 9 Werurwe 2015, ari bwo Urukiko rw’Ubuijurire rwa Paris ruza kwicara rusuzuma ikirego cy’abanyarwanda barega Canal+ ku byaha byo gupfobya Jenoside, binyujijwe mu ikinamico.

Iryo kinamico rigufi ryavugaga kuri Jenoside yakorewe Abatutsi ritera urwenya ku byaha byakozwe, bigatuma abarireba bahindura urwenya amahano yabaye mu Rwanda inkuru mbi igakwira Isi yose n’uburemera bw´ibyaha byakozwe buhindurwa ubusa.

Muri bimwe byavuzwe n’abakinaga iryo kinamico rigufi harimo aho bavugaga ngo mu Rwanda baririmbira indirimbo y’agahozo abana ngo basinzire bababwira ngo: "Iryamire mwana, abandi bose barapfuye, Mama ari hejuru bamuciyemo uduce, n’aho papa ari hasi, bamuciye amaboko..."

Umwe mubakinnyi yavuze ko ababajwe n’uko hari ababyeyi benshi barokotse, ibyo bikaba byaratumye atabasha kubona umwana w´imfubyi yashaka kwitwarira ngo amurere, ati "Mu Rwanda ntakigenda, bariyamira ngo habaye Jenoside kandi njye narabonye bacyuzuye..."

Urugaga CRF rwatanze ikirego rusaba ko ayo magambo ahanwa hakurikijwe ibitegenywa n’itegeko ryo ku wa 29 Nyakanga 1881 ryerekeye ubwisanzure by’Itangazamakuru, rihana ibitutsi bikorewe mu ruhame bishingiye ku bwoko bw’umuntu cyangwa se aho aturuka hamwe no gupfobya ibyaha byakorewe inyokomuntu.

Ubushinjacyaha bw’Urukiko rw’Ubujurire rwa Paris bwagaragaje ko budashaka ko kirego cyakwakirwa buvuga ko ibyaha byakorewe Abatutsi bitarebwa n’iryo tegeko.

Me Richard Gisagara, wunganira Urugaga CRF mu by’Amategeko, yatangarije IGIHE ko imbere y’urukiko iryo tegeko ridashobora kuvangura kubera ko Itegeko Nshinga ry’u Bufaransa rivuga ko abaturage bose bareshya imbere y’itegeko rikaba ridashobora gushyira ku ruhande abafite inomoko mu Rwanda.

Ubwo iryo kinamico ryamaraga gutambutswa, abanyarwanda bagaragaje ko bashenguwe n’ibirikinwamo bipfobya Jenoside yahekuye u Rwanda, ubuyobozi bwa Canal+ bwisegura buvuga ko abantu bumvise nabi ubutumwa bwashakaga gutangwa muri uyu mukino, kuko ngo uyu mukino utari ugamije gupfobya Jenoside yakorewe Abatutsi mu Rwanda, ahubwo bawukora ngo bari bagamije gukora urwenya rusetsa gusa bagamije kugaragaza mu buryo bwo gusetsa ukuntu abanyaburayi bifata akenshi iyo bageze ahantu batari basanzwe barageze


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .