Twitter yatangaje ko izegurira Biden konti ya “@POTUS” akimara kurahira

Yanditswe na Umwali Zhuri
Kuya 21 Ugushyingo 2020 saa 08:07
Yasuwe :
0 0

Urubuga Nkoranyambaga rwa Twitter rwatangaje ko ruzegurira Joe Biden konti ya Perezida wa Amerika izwi nka “@POTUS” ku munsi azaba amaze kurahira tariki ya 20 Mutarama 2021.

Konti ya @POTUS ni yo yemewe ya Perezida wa Leta Zunze Ubumwe za Amerika, itandukanye na @realDonaldTrump ikoreshwa na Trump mu gutanga ubutumwa kuko yo ari iye ku giti cye.

Uru rubuga nkoranyambaga rwatangaje ko rwiteguye gutanga ubufasha mu guhererekanya konti z’inzego za White House tariki ya 20 Mutarama 2021.

Usibye konti ya @POTUS, Twitter izashyikiriza ubuyobozi bwa Biden izindi konti zirimo iy’Umugore wa Perezida izwi nka @FLOTUS, iya Visi Perezida izwi nka @VP hamwe n’iy’Ibiro by’Umukuru w’Igihugu izwi nka @whitehouse.

Kugeza ubu, Trump ntabwo aremera ko yatsinzwe amatora, aracyari guhanyanyaza areba niba hari uko byagenda akaguma muri White House indi myaka ine.

Konti ya Twitter ya @POTUS izashyikirizwa ubuyobozi bwa Biden akimara kurahira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .