00:00:00 IGIHE NETWORK KN KINYARWANDA EN ENGLISH FR FRANCAIS

U Bufaransa: Minisitiri w’Intebe n’undi umwe mu bagize guverinoma banduye COVID-19

Yanditswe na IGIHE
Kuya 24 Ugushyingo 2021 saa 08:23
Yasuwe :
0 0

Minisitiri w’Intebe w’u Bufaransa, Jean Castex na Brigitte Klinkert ukora muri Minisiteri y’Umurimo n’Abakozi ba Leta, batangaje ko banduye icyorezo cya COVID-19.

Ku wa Mbere tariki 22 Ugushyingo 2021, nibwo Jean Castex yatangaje ko yanduye COVID-19, bukeye ku Mugoroba wo ku wa Kabiri Brigitte Klinkert atangaza ko yanduye iki cyorezo.

Amakuru dukesha HuffPost avuga ko Klinkert yafashe icyemezo cyo kwipimisha COVID-19, nyuma y’uko inzego z’ubuzima zimubwiye ko umwe mu bantu yahuye nabo yasanzwemo iki cyorezo.

Klinkert yavuze ko nyuma yo kwipimisha abaganga bamubwiye ko nawe afite COVID-19.

Minisitiri w’Intebe, Jean Castex, we bikekwa ko yandujwe COVID-19 n’umukobwa we w’imyaka 11 kuko ari we wayisanzwemo bwa mbere mu muryango we.

Kugeza ubu hari impungenge z’uko Castex yaba yaranduje iki cyorezo abandi bayobozi bakuru barimo Minisitiri w’Ingabo, Florence Parly, uw’Umutekano, Gérald Darmanin n’uw’Ubutabera, Éric Dupond-Moretti.

Castex na Klinkert bishyize mu kato kugira ngo babanze bakire ndetse birinde kwanduza abandi.

Si ubwa mbere abayobozi bakuru b’u Bufaransa bandura COVID-19, kuko mu Ukuboza 2020 na Perezida w’iki gihugu, Emmanuel Macron yayanduye.

Minisitiri w’Intebe w’u Bufaransa, Jean Castex yishyize mu kato nyuma yo gusanga yaranduye COVID-19
Brigitte Klinkert ukora muri Minisiteri y’Umurimo mu Bufaransa yanduye COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .