U Bushinwa bwasabye ibihugu gukuraho amabwiriza ahagarika ingendo kubera Coronavirus

Yanditswe na Bukuru JC
Kuya 13 Gashyantare 2020 saa 08:39
Yasuwe :
0 0

Ikigo gishinzwe ubwikorezi bw’indege mu Bushinwa, cyasabye ibihugu bitandukanye gukuraho amabwiriza yo guhagarika ingendo zijya muri icyo gihugu vuba bishoboka kugira ngo byoroshye ingendo zambukiranya imipaka.

Umuyobozi muri icyo kigo, Liang Nan, yavuze ko bafite ubushake bwo gukorana n’ibindi bihugu no gufata ingamba zikomeye zo kugenzura icyorezo cya Coronavirus, hagamijwe kubungabunga ubuzima bw’abagenzi.

Icyorezo cya Coronavirus (COVID-19), bwa mbere cyagaragaye mu Bushinwa bwo hagati ahitwa Wuhan, gituma sosiyete z’indege zitandukanye zizihagarika.

Ikigo gishinzwe ubwikorezi bw’indege mu Bushinwa kivuga ko icyemezo cyo guhagarika ingendo cyumvikana, ariko cyiteguye kwita ku bagenzi baba Abashinwa n’abanyamahanga.

Liang yavuze ko bimwe mu bihugu byarengereye mu guhagarika ingendo ziva n’izijya mu Bushinwa, ndetse bigera n’aho bifunga imipaka.

Ati “Uku gukumira indege byagize ingaruka mbi ku isoko ry’ubwikorezi bwo mu kirere, byateje ibibazo abakora ingendo mpuzamahanga”.

Yasabye ibihugu byose gukurikiza inama z’imiryango mpuzamahanga ndetse n’imirongo yo gukurikiza mu gihe bifata ingamba zo guhagarika ingendo, hirindwa ko byagira ingaruka ku bwikorezi mpuzamahanga.

Sosiyete zikora ubwikorezi bwo mu kirere zirimo na RwandAir zahagaritse ingendo zijya n’iziva mu Bushinwa. Uretse RwandAir, harimo na British Airways, Kenya Airways.

Hari Austrian Airlines nayo yahagaritse ingendo zijya n’iziva mu Bushinwa (Beijing na Shanghai), Swiss Airlines.

American Airlines yatangaje ko itazongera kwerekeza Shanghai na Beijing guhera tariki 9 Gashyantare kugeza tariki 27 Werurwe. Lion Air Group yo muri Indonesia, Air India na Seoul Air nazo zahagaritse ingendo zijya n’iziva mu Bushinwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza