Umupolisi wa 12 mu Mujyi wa New York yapfuye, birakekwa ko yazize Coronavirus

Yanditswe na Bukuru JC
Kuya 7 Mata 2020 saa 02:27
Yasuwe :
0 0

Umupolisi wa 12 wo mu Ishami rya Polisi y’Umujyi wa New York muri Leta Zunze Ubumwe za Amerika, yapfuye mu buryo bikekwa ko yishwe na Coronavirus.

Raporo ya Polisi kuri Coronavirus isohoka buri munsi, igaragaza ko Ramon Roman yapfuye ku cyumweru yishwe n’ibimenyetso bisa n’ibya Coronavirus.

Abapolisi bagera kuri 20% b’iri shami rya Polisi y’Umujyi wa New York, bose banduye iki cyorezp. New York yugarijwe cyane na Coronavirus, aho abarenga 68 000, bayanduye naho 2700 ikaba imaze kubica.

Ibitaro byo muri uyu mujyi birimo kurwana no kubona aho bishyira abarwayi, kubona abaganga n’ibikoresho byo kwita ku mubare munini w’abarwayi ukomeje kwiyongera.

Kuwa Mbere abapolisi 6974 b’ishami ry’Umujyi wa New York, bararwaye bakaba babarirwa kuri 19.3%, by’abarigize bose. Uyu mubare umaze kuzamuka uvuye kuri 12% bariho kuwa 28 Werurwe.

Iri shami rya polisi rivuga ko abapolisi 1935 n’abasivili 293 bakora muri iri shami basanganywe Coronavirus.

Komiseri w’iri shami, Dermot Shea, aherutse gutangaza ko bamwe mu bapolisi batangiye gukira ndetse bagarutse mu kazi ndetse hari abandi amagana bazasubira mu kazi mu cyumweru gitaha.

Ibikorwa bihuza abantu benshi ndetse n’amakoraniro y’abasenga byarahagaritswe. Hari kandi gushishikariza abantu kutegerana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .