Abaminisitiri icumi muri Sudani y’Epfo banduye coronavirus

Yanditswe na Bukuru JC
Kuya 22 Gicurasi 2020 saa 01:26
Yasuwe :
0 0

Abaminisitiri icumi muri Guverinoma ya Sudani y’Epfo byemejwe ko banduye coronavirus.

Minisitiri w’itumanaho, Michael Makuei yavuze ko bamwe mu baminisitiri bari bari mu itsinda rishinzwe kurwanya coronavirus bose banduye uretse Minisitiri w’Ubuzima.

Makuei yahakanye amakuru yavugaga ko na Perezida Salva Kiir yanduye Coronavirus.

Aya makuru aje nyuma y’iminsi mike Visi Perezida Riek Machar atangaje ko yanduye we n’umugore we Angelina Teny uri muri Guverinoma nka Minisitiri w’ingabo.

Bandujwe n’umwe mu bayobozi bari bari mu itsinda ryo kurwanya Coronavirus bahuye na we.

Abaminisitiri banduye bose bashyizwe mu kato kandi Guverinoma ivuga ko bameze neza.

Muri Sudani y’Epfo hari abandi bayobozi batandukanye n’abarinzi babo basanzwemo coronavirus, bashyirwa mu kato.

Abantu basaga 480 nibo bamaze kwandura coronavirus muri Sudani y’Epfo, barimo batandatu yahitanye.

isi Perezida Riek Machar yatangaje ko yanduye coronavirus we n’umugore we Angelina Teny

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .