00:00:00 IGIHE NETWORK KN KINYARWANDA EN ENGLISH FR FRANCAIS

Abasirikare bane b’u Bufaransa baturikanwe n’igisasu muri Burkina Faso

Yanditswe na IGIHE
Kuya 19 January 2022 saa 10:15
Yasuwe :

Abasirikare bane b’Abafaransa bari mu bagize Operasiyo Barkhane ishinzwe kurwanya imitwe y’iterabwoba mu karere ka Sahel, baturikanwe n’igisasu cyatezwe mu muhanda mu majyaruguru ya Burkina Faso.

AFP yatangaje ko bose bakomeretse ndetse umwe muri bo agakomereka bikabije. Ibi byabaye ubwo bari boherejwe kurwanya imitwe y’iterabwoba muri Mali.

U Bufaransa bumaze imyaka hafi irindwi bwohereza abasirikare kurwanya iyi mitwe igendera ku matwara ya kiyisilamu mu bihugu bya Mali, Burkina Faso na Niger bigize Sahel ndetse kugeza mu 2021 bwari bufiteyo abarenga 5000 bafite icyicaro i Ndjamena muri Chad.

Ibi bihugu byatangiye kwinjirirwa n’imitwe yiterabwoba ishamikiye kuri Al-Qaeda mu 2011 ndetse kugeza n’ubu ruracyageretse hagati y’inzego zishinzwe umutekano n’iyi mitwe, aho Burkina Faso iri mu bihugu bikomerewe cyane kuko nta kwezi gushira iyi mitwe itagabye igitero ku baturage cyangwa ku basirikare.

Ibitero by’iyi mitwe ndetse n’ibyo kuyirwanya bimaze guhitana za miliyoni z’abantu barimo abasivile, abasirikare b’abafaransa n’abo mu bihugu bya Sahel ndetse na bamwe mu barwanyi.

Abasirikare bane b'Abafaransa baturikanwe n'igisasu muri Burkina Faso bose barakomereka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .