00:00:00 IGIHE NETWORK KN KINYARWANDA EN ENGLISH FR FRANCAIS

Afurika y’Epfo: Ubwoba ni bwose ko COVID-19 ishobora kubura umutwe

Yanditswe na IGIHE
Kuya 23 Ugushyingo 2021 saa 07:32
Yasuwe :
0 0

Abakora mu nzego z’ubuzima n’abahanga bo muri Afurika y’Epfo batangiye kuburira ubuyobozi bw’iki gihugu n’abaturage bacyo ko hashobora kubaho inkundura ya kane ya COVID-19, aho umubare w’abayandura n’abo ihitana uziyongera cyane.

Uyu muburo utanzwe mu gihe hashize ibyumweru umubare w’abandura COVID-19 utangiye kuzamuka. Ku Cyumweru tariki 20 Ugushyingo 2021, muri iki gihugu abanduye COVID-19 barengaga 600, bavuye ku bantu 100 banduraga ku munsi mu ntangiriro z’uku kwezi.

Amakuru yatanzwe n’Ikigo gishinzwe kurwanya indwara zandura (NICD) agaragaza ko kuzamuka ku bwandu bwa COVID-19 muri iki gihugu kwatangiye kugaragara mu minsi irindwi ishize. Bwiganje mu ntara zirimo Gauteng, ibarizwamo imijyi ikomeye nka Johannesburg na Pretoria.

NICD yatangaje ko uku kuzamuka k’umubare w’abandura COVID-19 muri Afurika y’Epfo kuri guterwa n’uko hakingiwe umubare muto w’abantu.

Kugeza ubu 41% by’abakuze muri Afurika y’Epfo ni bo bamaze guhabwa nibura doze imwe y’urukingo rwa COVID-19, mu gihe abamaze guhabwa doze ebyiri ari 35%.

Professor Tulio de Oliveira wigisha muri Kaminuza ya KwaZulu-Natal yabwiye TimesLIVE dukesha iyi nkuru ko uku kuzamuka kw’abandura COVID-19 bishobora kuganisha ku nkundura ya kane.

Ati “Kuri ubu hatangiye kuboneka ibimenyetso byo muri laboratwari biburira ko hashobora kubaho inkundura ya kane. Icyorezo kiri kugaragaza ibimenyetso by’uko cyongeye kuzamuka kuva inkundura ya gatatu yacogora.”

Professor Tulio de Oliveira yakomeje avuga ko mu gihe iki cyorezo cyakongera kubura umutwe ibitaro byo muri iki gihugu bishobora kongera kuzura kubera umubare munini w’abatarakingiwe.

Kugeza ubu Afurika y’Epfo ni cyo gihugu kibasiwe cyane na COVID-19 muri Afurika. Ifite abanduye babarirwa muri miliyoni 2,9 n’abishwe na COVID-19 barenga ibihumbi 89.

Muri Afurika y'Epfo ubwandu bwa COVID-19 bwatangiye kongera kuzamuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .