EU yongereye umwaka ku bihano yafatiye Zimbabwe

Yanditswe na Bukuru JC
Kuya 18 Gashyantare 2020 saa 05:05
Yasuwe :
0 0

Umuryango w’Ubumwe bw’u Burayi (EU), watangaje ko wongereye umwaka ku bihano wafatiye Zimbabwe byo kuyibuza igurishwa ry’intwaro n’ibindi bikoresho bya gisirikare bishobora kwifashishwa mu kwibasira rubanda.

Ibi bihano byongerewe nyuma y’uko Zimbabwe ntacyo ikora ku bashinzwe umutekano bahohotera abaturage. Kuva mu 2002, Zimbabwe yafatiwe ibihano na EU, kubera kutubahiriza uburenganzira bwa muntu.

Perezida Emmanuel Mnangagwa, wagiye ku butegetsi asimbuye Robert Mugabe, mu 2017 akomeje kurwana no kwemeza amahanga ko hari impinduka yakoze mu gihugu.

Gusa EU ntabwo iranyurwa n’uko Zimbabwe iri mu mavugurura yatuma ikurirwaho ibihano mu by’ukungu na politiki yafatiwe ku butegetsi bwa Mugabe.

EU yavuze ko “urebye ibibera muri Zimbabwe birimo kuba itarakora iperereza ku ruhare rw’inzego z’umutekano mu guhonyora uburenganzira bwa muntu, akanama ka EU kemeje kongera ibihano byo kutagura intwaro kugera kuwa 20 Gashyantare 2021”.

Nyuma y’amatora ataravuzweho rumwe yo mu 2018, abasirikare biraye mu batavuga rumwe n’ubutegetsi bigaragambyaga bicamo batandatu.

Amagana y’abanya-Zimbabwe bitabiriye imyigaragambyo yateguwe na leta igamije kwamagana ibihano Amerika n’Umuryango w’ubumwe bw’Uburayi (EU) byafatiye Perezida w’icyo gihugu, Emmerson Mnangagwa n’abandi bayobozi bashinjwa kubangamira uburenganzira bwa muntu no kwiba amajwi mu matora.

Mu bihano EU yafatiye abo bayobozi harimo no kudakorera ingendo mu bihugu bigize uwo muryango no gufatira imitungo bahafite.

Inzego z'umutekano muri Zimbabwe zirashinjwa guhohotera abaturage no kubica

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza