Madagascar: Abagize Inteko Ishinga Amategeko babiri bapfuye bahitanywe na Coronavirus

Yanditswe na Umwali Zhuri
Kuya 13 Nyakanga 2020 saa 03:01
Yasuwe :
0 0

Umudepite n’Umusenateri mu Nteko Ishinga Amategeko ya Madagascar, bapfuye bahitanywe na Coronavirus mu gihe mu mizo ya mbere y’iki cyorezo, iki gihugu cyari cyatangaje ko gifite umuti uvura iyi ndwara.

Perezida Andry Rajoelina niwe watangaje iby’urupfu rw’aba bayobozi, aho yavuze ko hari abandi badepite 11 n’abasenateri 14 banduye iki cyorezo.

Mu cyumweru gishize, Guverinoma ya Madagascar yashyize ibice byinshi by’igihugu by’umwihariko ibyo mu Murwa Mukuru Antananarivo muri gahunda ya Guma mu rugo mu kwirinda ikwirakwira ry’iki cyorezo.

Madagascar ibara abantu 4578 banduye Coronavirus mu gihe abandi 34 bo bamaze kwitaba Imana kuva muri Werurwe uyu mwaka.

Perezida wa Madagascar, Andry Rajoelina, yari yatangaje ko igihugu cye cyabonye umuti uvura Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .