Misiri: Habonetse isanduku zishyinguyemo abantu zimaze imyaka 3000 (Amafoto)

Yanditswe na Akayezu Jean de Dieu
Kuya 22 Ukwakira 2019 saa 02:50
Yasuwe :
0 0

Mu Misiri hagaragajwe isanduku zishyingurwamo abapfuye zigera 30 zikozwe mu biti, zimaze imyaka ibihumbi bitatu zirimo imibiri y’abantu. Izi sanduku zavumbuwe mu Majyepfo y’Umujyi wa Luxor.

Minisiteri ishinzwe kubungabunga amateka ya kera yavuze ko ubu buvumbuzi ibufata nk’ubwa mbere bubayeho muri iki kinyejana.

Itsinda ry’abahanga mu mateka ya muntu no gusesengura ibimenyetso byo hambere bo mu Misiri, bavumbuye amasanduku y’ibiti bisize amabara 30, y’abagabo, abagore m’abana mu irimbi rya Al-Asasif.

Minisitiri ushinzwe kubungabunga amateka ya kera mu Misiri, Khaled El- Anany, yavuze ko ari zo sanduku zishyinguyemo ikiremwamuntu zivumbuye zimaze igihe kirekire kuva mu mpera y’ikinyejana cya 19.

Yakomeje avuga ko izi sanduku zimaze imyaka 3000 ariko zari zifunze harimo imibiri imbere, ziteye amarangi, kandi zanditseho ku buryo zitigeze zangirika na gato.

Mostafa Waziri wari uyoboye itsinda ryataburuye izi sanduku yavuze ko harimo abagabo, abagore n’abana kandi zabayeho mu kinyejana cya 10 ku ngomba y’Ubwami bwa 22 bwa Pharaoh.

Ubuyobozi butangaza ko izi sanduku zigiye gutunganywa mbere yo kuzishyira mu ngoro ndangamateka ya Grand Egyptian Museum iteganya gufungurwa umwaka utaha hafi ya Giza Pyramids.

Ubwo aya masanduku yerekanwaga kuwa Gatandatu
Uko isanduku zavumbuwe zari zimeze
Izi sanduku zigiye gutunganywa zishyirwa mu ngoro ndangamurage igiye gufungurwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza