Mozambique: Perezida Filipe Nyusi n’ishyaka rye bari imbere mu majwi y’agateganyo

Yanditswe na IGIHE
Kuya 19 Ukwakira 2019 saa 04:11
Yasuwe :
0 0

Komisiyo y’amatora muri Mozambiqwe yatangaje amajwi y’agateganyo y’amatora y’umukuru w’igihugu n’ay’abadepite yabaye ku wa ku wa kabiri w’iki cyumweru, Perezida Filipe Nyusi n’ishyaka rye bakomeje kuza imbere.

Mu majwi ibihumbi 830 yari amaze kubarurwa bingana na 6% by’abantu miliyoni 13 bagombaga gutora, Komisiyo y’amatora igaragaza ko Perezida Nyusi yari ari imbere n’amajwi arenga 75%.

Igaragaza ko umuyobozi w’ishyaka RENAMO ritavuga rumwe n’ubutegetsi bari bahanganye mu matora, Ossufo Momade, we yari afite amajwi 20%.

Amatora aheruka Perezida Nyusi yagize amajwi 58% mu gihe umuyobozi wa Renamo, Afonso Dhlakama bari bahanganye yagize 37% nk’uko Jeune Afrique yabitangaje.

Mu matora y’Abadepite, ishyaka FRELIMO riri ku butegetsi guhera mu 1975 riri imbere n’amajwi arenga 70% mu gihe RENAMO rifite amajwi 22% mu majwi ibihumbi 75o yabazwe.

Ishyaka FRELIMO ryagize intege nke mu kurwanya ruswa, ubukungu bugana mu manga n’imitwe n’imitwe y’abarwanyi bagendera ku mahame ya Islam mu Majyaruguru byatumye rigira amajwi macye mu matora y’abayobozi b’inzego z’ibanze aheruka.

Mbere y’itangazwa ry’aya majwi, ishyaka riharanira Demokarasi ritavuga rumwe n’ubutegetsi ryari ryatangaje ko amatora atari gukorwa mu mucyo n’amajwi yibwe.

Abayoboke b'ishyaka rya Nyusi bishimiye uko ibarura ry'amajwi ririmo kwerekana ko batsinze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza