RDC: Abanduye Coronavirus bageze kuri 45

Yanditswe na IGIHE
Kuya 24 Werurwe 2020 saa 11:44
Yasuwe :
0 0

Ikigo cy’Igihugu gishinzwe ubushakashatsi mu by’ubuzima muri Repubulika ya Demokarasi ya Congo, cyatangaje ko habonetse abarwayi icyenda bashya banduye Coronavirus, ku buryo umubare w’abanduye bose wageze kuri 45.

Muri iyo mibare y’abanduye harimo batanu baturutse mu mahanga bafite iyi ndwara n’abantu bane bayitahuweho nyuma yo gukurikirana abantu bose bahuye n’abanduye.

Uretse aba bantu bashya bagaragaye, hari hanaketswe Coronavirus ku bantu babiri mu mujyi wa Lumbumbashi, ariko isuzuma ry’abaganga ryerekanye ko ntayo banduye, nk’uko ikinyamakuru Actualité cyabyanditse.

Kugeza ubu hakomeje gusabwa ko ingendo hagati muri RDC zahagarikwa, cyane cyane hagaherwa ku ngendo zihuza umujyi wa Kinshasa na Goma, hagamijwe gukumira ikwirakwira rya Coronavirus muri icyo gihugu.

Kuri uyu wa Mbere byatangazwaga ko imibare y’abamaze kwandura Coronavirus muri Repubulika ya Demokarasi ya Congo yageze kuri 36.

Ku wa 10 Werurwe 2020 nibwo umuntu wa mbere muri RDC yatahuweho Coronavirus, Umubiligi wari umaze iminsi mu gihugu akurikiranwa n’ubuyobozi bw’inzego z’ubuzima, ashyirwa no mu kato.

Kugeza ubu abamaze kwandura Coronavirus hirya no hino ku isi bagera ku bihumbi 383, mu gihe abo imaze guhitana basaga 16,500.

Imibare y'abanduye Coronavirus muri RDC ikomeje kwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza