RDC: Général Kasheke Albert wahoze muri Mai-Mai yishwe arashwe

Yanditswe na Dufitumukiza Salathiel
Kuya 7 Mata 2021 saa 03:12
Yasuwe :
0 0

Kasheke Albert wahoze ari umwe mu bayobozi b’umutwe w’abarwanyi bitwaje intwaro wa Mai-Mai Mazembe, yishwe arashwe mu ijoro ryo ku wa 4 rishyira uwa 5 Mata 2021, agwa i Miriki muri teritwari ya Lubero ho mu Burasirazuba bwa Repubulika iharanira Demokarasi ya Congo.

Media Congo yatangaje ko uwo mugabo wihaye ipeti rya Général yari yaravuye muri uwo mutwe asubizwa mu buzima busanzwe.

Amakuru avuga ko nyuma yo gusubizwa mu buzima busanzwe, Kasheke yakekwagaho kuba ashaka kongera gushinga umutwe w’abarwanyi bitwaje intwaro muri Pariki ya Virunga, ndetse ko ashobora kuba “yishwe n’umwe mu bo bakorana.”

Umukozi w’umuryango utegamiye kuri leta ukorera muri Kivu y’Amajyaruguru waganiriye na Media Congo, Gakuru Bahati Théoneste yagize ati “Bisa n’aho abamwishe bari bazi neza ingendo akora zose. Baramukurikiranye mpaka bamugezeho aho yari ari. Aho ngaho ni ho bamusanze baramurasa, agerageje guhunga baramukurikira.”

Umutwe Kasheke yari ayoboranye na Kitete Bushu wiyise Kabido ndetse n’undi mukomando uzwi nka Safari mbere y’uko asubizwa mu Buzima musanzwe ni uwitwa Mai-Mai Mazembe. Washinzwe mu mpera za 2015, ugamije guhangana n’abarwanyi ba FDLR bari bazengereje abaturage ba teritwari ya Lubero na Walikale.

Mai Mai ni umwe mu mitwe imaze igihe ihungabanya umutekano mu burasirazuba bwa Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .