00:00:00 IGIHE NETWORK KN KINYARWANDA EN ENGLISH FR FRANCAIS

Sudani: Barindwi barasiwe mu myigaragambyo bahasiga ubuzima

Yanditswe na IGIHE
Kuya 18 January 2022 saa 08:20
Yasuwe :

Uruganga rw’abaganga muri Sudan rwatangaje ko abantu barindwi barasiwe mu myigaragambyo yo kwamagana ubutegetsi bwa gisirikare buyobowe na General Abdel Fattah al-Burhan.

Iyi myigaragambyo yabaye ku wa Mbere tariki 17 Mutarama 2022, mu Murwa Mukuru, Khartoum, mu rwego rwo kwamagana ubutegetsi bwa gisirikare buyoboye iki gihugu.

Amakuru dukesha France24 avuga ko iyi myigaragambyo yaguyemo abantu barindwi, barashwe n’inzego z’umutekano zageragezaga kubatatanya. Ni ibintu aba baganga bagaye, bavuga ko batumva uburyo hakoreshwa amasasu yica mu guhangana n’abigaragambya.

Imyigaragambyo yasaga n’iyacururutse yongeye gukaza umurego nyuma y’uko Abdalla Hamdok wari Minisitiri w’Intebe w’iki gihugu yeguye. Ni umwanzuro yafashe nyuma y’uko ananiwe kumvikana n’abayobozi b’abasirikare bari bamuhiritse ku butegetsi ariko bakaza kubumusubizaho kubera igututu cy’amahanga.

Kuva Gen Abdel Fattah al-Burhan yafata ubutegetsi ku wa 25 Ukwakira 2021, imyigaragambyo yo kumwamagana imaze kugwamo abantu 71.

Sudan imaze igihe iri mu bibazo by’umutekano muke byatewe ahanini no kuba abaturage batishimira ubutegetsi bw’abasirikare, ni ibibazo byarushijeho gufata intera mu 2019, Omar al-Bashir wayoboraga iki gihugu yahirikwa ku butegetsi.

Abantu 71 bamaze kugwa mu myigaragambyo yo kwamagana ubutegetsi bwa General Abdel Fattah al-Burhan

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .