Tanzania yakumiriye Kenya Airways ku butaka bwayo

Yanditswe na Umwali Zhuri
Kuya 1 Kanama 2020 saa 07:53
Yasuwe :
0 0

Nyuma y’umunsi umwe Guverinoma ya Kenya ikuye Tanzania ku rutonde rw’ibihugu aho abaturage babyo bashobora kugirira ingendo muri Kenya, iki gihugu nacyo cyahise gikumira sosiyete y’indege ya Kenya Airways ku bibuga byacyo by’indege.

Mu ibaruwa yandikiwe Kenya Airways, Ikigo gishinzwe iby’indege za gisivile muri Tanzania, cyatangaje ko hafashwe umwanzuro wo gukuraho uburenganzira bwari bwarahawe Kenya Airways.

Iyo baruwa ivuga ko Tanzania yakiriye kuba yarakuwe ku rutonde rw’ibihugu abaturage babyo bemerewe gukorera ingendo muri Kenya guhera kuri uyu wa Gatandatu ubwo ingendo z’indege mpuzamahanga zafungurwaga .

Ivuga ko nayo yafashe umwanzuro wo gusubiza icyo cyemezo cyafashwe na Guverinoma ya Kenya, bityo iya Tanzania nayo yatesheje agaciro uburenganzira bwari bwarahawe Kenya Airways bwo gukora ingendo zerekeza mu Mijyi ya Dar es Salaam, Kilimanjaro na Zanzibar kugeza igihe kitigeze gitangazwa.

Kenya ku wa Kane w’iki cyumweru yari yatangaje ko Tanzania itari ku rutonde rw’ibihugu aho abaturage babyo bemerewe gukorera ingendo muri Kenya. Ni urutonde rugizwe n’ibihugu birimo u Bushinwa, Koreya y’Epfo, u Buyapani, Canada, Uganda, u Bufaransa, Namibia, Zimbabwe, Ethiopia, u Rwanda, u Busuwisi na Maroc.

Kenya Airways ntabwo yemerewe gukorera ingendo muri Tanzania

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .