U Burundi bwamenyesheje Loni ko ibiro by’Intumwa yayo yihariye bigiye gufungwa

Yanditswe na Bukuru JC
Kuya 21 Ugushyingo 2020 saa 03:54
Yasuwe :
0 0

U Burundi bwamenyesheje Umunyamabanga Mukuru w’Umuryango w’Abibumbye ko Ibiro by’Intumwa yihariye y’uyu muryango bizafungwa mu mpera z’uyu mwaka.

Umunyamabanga Mukuru wa Loni, Antonio Guterres, yari aherutse gusaba u Burundi ko ibiro by’intumwa yihariye y’uyu muryango byakomeza gukora nibura mu gihe cy’umwaka umwe.

Ibi biro byashyizweho mu 2016 bigamije kugenzura uko ibibazo bya politiki byari bikomeye icyo gihe byifashe. Ni ibibazo byari bishingiye ku mvururu zakurikiye manda ya gatatu ya Perezida Pierre Nkurunziza.

Minisiteri y’Ububanyi n’Amahanga y’u Burundi, yamenyesheje Guterres ko ibyo biro bizafungwa, nubwo Loni yo yashakaga ko bikomeza gukora mu kureba uko amahoro n’umutekano byifashe ku buyobozi bwa Perezida Ndayishimiye Evariste. Loni ivuga ko nubwo hari ibyahindutse ku butegetsi bwe, ibintu bitaratungana neza.

U Burundi bwatangaje ko Loni itagikenewe mu gihugu mu buryo bwa politiki, bitewe n’uburyo hari umutuzo n’umudendezo ndetse ko amatora aheruka yabaye mu mahoro n’ihererekanya ry’ubutegetsi rikaba biciye mu mucyo.

Bwavuze ko budakeneye ko mu gihugu haba ibiro bishinzwe kugenzura umwuka mubi n’ibijyanye n’imvururu, ko uwo mwuka udahari ahubwo uri mu ntekerezo z’abanyamahanga gusa.

Ikindi ni uko bwifuza gukorana na Loni mu bikorwa bigamije iterambere ry’abaturage aho kuba ibindi bya politiki.

Ubutegetsi bwa Perezida Ndayishimiye bwamenyesheje Loni ko ibiro by'intumwa yihariye y'uyu muryango bigiye gufungwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .