Uganda: Polisi yatumye Bobi Wine ahagarika ikiganiro yagiranaga na Jeff Koinange

Yanditswe na IGIHE
Kuya 12 Mutarama 2021 saa 08:53
Yasuwe :
0 0

Polisi ya Uganda yatumye Robert Kyagulanyi uzwi nka Bobi Wine akaba n’umwe mu bahataniye kuyobora Uganda ahagarika ikiganiro yagiranaga n’umunyamakuru w’Umunya-Kenya Jeff Koinange.

Mu gitondo cyo kuri uyu wa Kabiri hifashishijwe telefone nibwo Robert Kyagulanyi yagiranye ikiganiro n’umunyamakuru Jeff Koinange kuri radiyo ya HOT 96, gusa kiza kurogowa na Polisi ya Uganda yateye urugo rwe.

Iki kiganiro cyagarukaga ku bikorwa bye byo kwiyamamaza nticyarangiye neza kuko nyuma y’iminota itandatu atangiye kuganira n’uyu munyamakuru, inyuma hatangiye kumvikana amajwi y’ibintu bihonda, ahita avuga ko ari polisi yateye urugo rwe ikaba iri gukubita abashinzwe umutekano. Yahise asaba ko ikiganiro gihagarara kugira ngo ajye kureba ibiri kuba.

Robert Kyagulanyi usanzwe ari umwe mu bagize Inteko Ishinga Amategeko mbere y’uko yinjira muri politike yari umuhanzi. Ubu ni umwe mu bakandida Perezida bakunzwe na benshi cyane cyane abakiri bato bazahatana na Perezida Museveni mu matora azaba ku wa 14 Mutarama.

Robert Kyagulanyi yahagaritse ikiganiro yagiriraga kuri Radiyo avuga ko Polisi yateye urugo rwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .